મુસ્લિમ યુવકે એકતાનો સંદેશ આપવા ઝડપ્યું અનોખું બીડું, પોતાના લગ્નની કંકોત્રીમાં છપાવી હિંદુ દેવી-દેવતાઓની તસવીરો
મધ્યપ્રદેશ (Madhya Pradesh) ના વિદિશા (Vidisha) જિલ્લામાં એક મુસ્લિમ યુવકના લગ્નનું કાર્ડ (Wedding card) સોશિયલ મીડિયા પર ખૂબ વાયરલ થઈ રહ્યું છે. હકીકતમાં, વિદિશાના આનંદપુર (Anandpur) ના રહેવાસી સ્વર્ગસ્થ રૂસ્તમ ખાનના બંને પુત્રો ઇર્શાદ અને અંસારના રવિવારે લગ્ન છે. આ પ્રસંગે પરિવારે આ વિસ્તારમાં લગ્ન કાર્ડ દ્વારા એકતાનો સંદેશ આપવાનું બીડું ઝડપ્યું હતું.
અંસાર અને ઇર્શાદે લગ્નના આમંત્રણ કાર્ડની સાથે આમંત્રણ કાર્ડ પર હિન્દુ દેવતા ભગવાન ગણેશની તસવીર તેમજ આમંત્રણ કાર્ડની અંદર ભગવાન કૃષ્ણ અને રાધાની તસવીર છાપી છે. મુસ્લિમ યુવકના લગ્નમાં હિંદુ દેવતાઓની તસવીરો છપાઈ હોવાના કારણે આ લગ્નના કાર્ડ સમગ્ર વિસ્તારમાં ચર્ચાનો વિષય બન્યો છે.
આમંત્રણ પત્ર દ્વારા એકતાનો સંદેશ:
22 મે 2022ના રોજ યોજાનાર આ લગ્નના કાર્ડ હિન્દી ભાષામાં છપાયા છે. આમંત્રણ પત્રમાં પુત્ર, પુત્રી સાથે પુત્રી, દર્શનાભિલાષી જેવા શબ્દોનો ઉપયોગ કરવામાં આવ્યો છે. આનંદપુરમાંથી ઇર્શાદ અને અંસાર ખાનના લગ્નનું કાર્ડ બહાર આવ્યું છે અને હવે સોશિયલ મીડિયા પર પણ ચર્ચાનો વિષય બન્યો છે.
સામાન્ય રીતે મુસ્લિમ પરિવારો તેમના લગ્નના કાર્ડ ઉર્દૂ અથવા અંગ્રેજી ભાષામાં છપાવવાની સાથે સાથે લાલ રંગમાં કાર્ડ છપાવવાથી પણ દૂર રહે છે, પરંતુ ઇર્શાદ અને અંસારે તમામ બાબતોને અવગણીને અનોખી રીતે તેમનું કાર્ડ પ્રિન્ટ કરીને ગંગા જમુની તહઝીબનો દાખલો બેસાડ્યો છે. લગ્ન એ સાત જન્મનું બંધન છે, જેને યાદગાર બનાવવા દરેક લોકો અલગ-અલગ રીત અપનાવે છે, પરંતુ વિદિશાના યુવકોએ ભાઈચારાનું ઉદાહરણ આપીને અનોખી તસવીર રજૂ કરી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
