ફરી મેદાન પર વિરાટ કોહલીનો વિડીયો વાયરલ! ‘રામ સિયા રામ..’ ગીત પર હાથ જોડી કિંગ કોહલીએ કર્યા નમસ્કાર
Virat Kohli video viral: કેપટાઉનમાં રમાઈ રહેલી બીજી ટેસ્ટમાં ભારત અને દક્ષિણ આફ્રિકાની ટીમો આમને-સામને છે. ટોસ જીતીને પ્રથમ બેટિંગ કરવા ઉતરેલી દક્ષિણ આફ્રિકાની ટીમ મોહમ્મદ સિરાજની ઘાતક બોલિંગ સામે માત્ર 55 રનમાં જ તુટી પડી હતી. સિરાજે છ વિકેટ લીધી હતી. આ મેચમાં કોહલીનો એક વીડિયો( Virat Kohli video viral ) પણ ખૂબ ચર્ચામાં છે. કેશવ મહારાજની બેટિંગ દરમિયાન જ્યારે રામ સિયા રામની ધૂન વાગી ત્યારે કોહલી હાથ જોડીને નમસ્કારની મુદ્રામાં જોવા મળ્યો હતો. કોહલીની પ્રતિક્રિયા સોશિયલ મીડિયા પર વાયરલ થઈ રહી છે.
કોહલીએ ધનુષ માટે પોઝ આપ્યો અને પછી હાથ જોડી દીધા
સાઉથ આફ્રિકાની ઇનિંગની 16મી ઓવરમાં માર્કો જેન્સન આઉટ થયા બાદ કેશવ મહારાજ બેટિંગ કરવા આવ્યા હતા. તે ક્રિઝ પર આવતાની સાથે જ 'રામ સિયા રામ'ની ધૂન ગુંજવા લાગી. કેશવ મહારાજની બેટિંગ દરમિયાન આ ઘણીવાર જોવા મળે છે. 'રામ સિયા રામ'ની ધૂન સાંભળતાની સાથે જ કોહલીએ ભગવાન શ્રી રામની શૈલીમાં ધનુષ્ય ચલાવવાનો પોઝ આપ્યો અને પછી પોતાના બંને હાથ જોડી દીધા. કોહલીની આ સ્ટાઈલ સોશિયલ મીડિયા પર લોકોને ખૂબ પસંદ આવી રહી છે.કોહલીની આ સ્ટાઈલ લોકોને ખૂબ પસંદ આવી અને તેનો વીડિયો સોશિયલ મીડિયા પર વાયરલ થયો.
Virat Kohli acting like Lord Ram on field today 🙏❤️ pic.twitter.com/7W1whSw4Yv
— ` (@musafir_tha_yr) January 3, 2024
સ્ટેડિયમમાં બેઠેલા ચાહકો ખુશ થઈ ગયા
દક્ષિણ આફ્રિકાના કેશવ મહારાજ જ્યારે બેટિંગ કરવા આવ્યા ત્યારે સ્ટેડિયમમાં હાજર ડીજે આદિપુરુષ ફિલ્મનું ગીત 'રામ સિયા રામ' વગાડ્યું હતું. આ જોઈને કોહલી ખુશ થઈ ગયો. તેણે હાથ જોડીને ભગવાન શ્રી રામની જેમ ધનુષ્યનો ઉપયોગ કરવાનો ઈશારો કર્યો. આ જોઈને સ્ટેડિયમમાં બેઠેલા ચાહકો ખુશ થઈ ગયા. કોહલીની આ સ્ટાઈલ લોકોને ખૂબ પસંદ આવી અને તેનો વીડિયો સોશિયલ મીડિયા પર વાયરલ થયો.જોકે, કેશવ મહારાજ આ મેચમાં મોટી ઇનિંગ રમી શક્યા નહોતા અને માત્ર ત્રણ રનની ઇનિંગ રમ્યા બાદ તે મુકેશ કુમારના બોલ પર જસપ્રિત બુમરાહના હાથે કેચ આઉટ થયો હતો.
દક્ષિણ આફ્રિકાની ટીમ 55 રન સુધી મર્યાદિત:
દક્ષિણ આફ્રિકાની ટીમ કેપટાઉનમાં માત્ર 55 રનના સ્કોર પર પડી ભાંગી હતી. ભારત સામે ટેસ્ટમાં દક્ષિણ આફ્રિકાનો સૌથી ઓછો સ્કોર છે. આ પહેલા વર્ષ 2015માં દક્ષિણ આફ્રિકાની ટીમ 79 રનમાં ઓલઆઉટ થઈ ગઈ હતી. આ મેચમાં મોહમ્મદ સિરાજે માત્ર 15 રનમાં છ વિકેટ ઝડપી હતી. દક્ષિણ આફ્રિકામાં કોઈપણ ભારતીય બોલરનું આ સર્વશ્રેષ્ઠ પ્રદર્શન છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
