પ્રેમ હોય તો આવો! ભીખ માંગી-માંગી આ દિવ્યાંગ વ્યક્તિએ પત્ની માટે ખરીદી 90 હજારની મોપેડ બાઈક
કહેવાય છે કે પ્રેમ જ્ઞાતિ-જાતિ, ઉંચી-નીચ, અમીર-ગરીબ જોતો નથી. મધ્યપ્રદેશ (Madhya Pradesh) ના છિંદવાડા (Chhindwada) જિલ્લામાંથી એક હૃદય સ્પર્શી અનોખી પ્રેમ કહાની આવી છે. જ્યાં એક ભિખારી (Beggar) તેની પત્ની પ્રત્યેના પ્રેમને કારણે સમાચારમાં છે. બંનેના પ્રેમની ચર્ચા સમગ્ર જિલ્લામાં જોરશોરથી ચાલી રહી છે. ભીખ માંગીને જીવતા વ્યક્તિએ તેની પત્નીને મોપેડ ખરીદીને ભેટમાં આપી છે. હવે તે બંને મોપેડ લઇ સાથે જ ભીખ માંગવા નીકળે છે.
ખરેખર, સંતોષ સાહુ અને તેની પત્ની મુન્ની સાહુ છિંદવાડા જિલ્લાના અમરવાડાના રહેવાસી છે. સંતોષ વિકલાંગ છે. તે ભીખ માંગવા માટે ટ્રાઇસિકલ પર ફરે છે અને તેની પત્ની મુન્નીબાઈ તેને મદદ કરે છે. સંતોષ સાહુએ જણાવ્યું કે તે પોતે ટ્રાઇસિકલ પર બેસતો હતો અને તેની પત્ની ધક્કો મારતી હતી. ઘણી વખત એવી સ્થિતિ આવતી હતી કે ખરાબ રસ્તાના કારણે પત્ની માટે ટ્રાઈસિકલને ધક્કો મારવો ખૂબ જ મુશ્કેલ બની ગયો હતો. સાહુથી તેની પત્નીની આ મુસીબત જોઈ નહોતો શકતો.
View this post on Instagram
આ દરમિયાન ઘણી વખત તેની પત્ની પણ બીમાર પડી હતી. જેની સારવાર માટે તેણે ઘણા પૈસા ખર્ચવા પડ્યા હતા. એક દિવસ મુન્નીએ સંતોષને મોપેડ ખરીદવાની સલાહ આપી. મુશ્કેલ પરિસ્થિતિ જોઈને સંતોષે નક્કી કર્યું કે તે કોઈપણ સંજોગોમાં તેની પત્ની માટે મોપેડ ખરીદશે.
બંને બસ સ્ટેન્ડ, મંદિર અને દરગાહ પર ભીખ માંગવા જતા અને રોજના 300 થી 400 રૂપિયા કમાતા હતા. આ સાથે બંનેને બે ટાઈમનું ભોજન આરામથી મળતું હતું. આવી પાઈ-પાઈ ઉમેરીને સંતોષે ચાર વર્ષમાં 90 હજાર રૂપિયા ઉમેર્યા અને શનિવારે રોકડા રૂપિયા આપીને મોપેડ ખરીદ્યું.
કોઈએ તેનો વીડિયો બનાવીને સોશિયલ મીડિયા પર અપલોડ કર્યો હતો. જેને ખૂબ પસંદ કરવામાં આવી રહ્યું છે. હવે પતિ-પત્ની મોપેડ પર ભીખ માંગવા નીકળે છે. તમને જણાવી દઈએ કે છિંદવાડાની ગલીઓમાં બાર કોડથી પૈસા લેનાર એક ભિખારી પણ હેડલાઇન્સમાં છવાયેલો છે. હવે સંતોષ અને મુન્નીને લઈને ઘણી ચર્ચા થઈ રહી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
