ભરૂચમાં હવસખોરોએ હદ વટાવી: નશાયુક્ત ઈન્જેક્શન આપીને બે બહેનો પર આચર્યું દુષ્કર્મ
Two sisters raped in Jambusar: ભરૂચના જંબુસરમાં હચમચાવી દેતી એક ઘટના સામે આવી છે જ્યાં કાવી ગામે બે બહેનોનું નરાધમ દ્વારા અપહરણ કરવામાં આવ્યું હતું અને અપહરણ બાદ ફાર્મ હાઉસમાં બળાત્કારની ચકચારી ઘટના બહાર આવી છે. જંબુસર તાલુકાના એક ગામમાં રહેતી બે બહેનોને 26 દિવસ પહેલા રાતના સમયે ભડકોદ્રા ગામે રહેતો યાસીન ખાલીદ ચોક અને નઈમ તેઓની ઈકો કારમાં ઉઠાવી ગયા હતા બાદમાં તેને નશાકારક ઇન્જેક્શન આપી તેની સાથે બળાત્કાર(Two sisters raped in Jambusar) કરવામાં આવ્યો હતો.
ઘટનાની વિગતવાર વાત કરીએ તો જંબુસરનો નઇમ પીડિત એક બહેનના પરિચયમાં હતો જેને ફોન કરી 20 અને 18 વર્ષની બંને બહેનોને 27 દિવસ પેહલા જંબુસર ફોન કરી બોલાવી હતી. જ્યાંથી ઇકો કારમાં નઇમ, યાસીન, માઝ અને અનસ ભરૂચ આવ્યા હતા.જે બાદ ભરૂચથી ડ્રગ્સ મેળવી તેઓ કાવી પોહચ્યા હતા.
કાવી ગામે સીમમાં આવેલા એક ફાર્મ હાઉસમાં બંને બહેનોને લઈ જઈ આ દવા લેવાથી સારું લાગશે અને મઝા આવશે કહી યાસીને MD ડ્રગ્સના ઇન્જેક્શન આપ્યા હતા. આરોપીઓએ પોતે પણ આ ડ્રગ્સના ઇન્જેક્શનના ડોઝ લીધા બાદ યાસીન અને નઇમે બંને બહેનો પર બળાત્કાર ગુજાર્યો હતો.ઇન્જેક્શન આપતા માઝ નામના આરોપીએ ઉતારેલો વિડીયો વાયરલ કરતા સામે આવ્યો હતો.
નરાધમોની પોલીસે કરી ધરપકડ
કાવી પોલીસ મથકે ભોગ બનનાર બે બહેનો પૈકી એક બહેને ચારેય આરોપીઓ સામે નશાયુક્ત ઇન્જેક્શન આપ્યા બાદ દુષ્કર્મ કર્યું હોવાની ફરિયાદ આપી હતી ત્યારે આ મામલે જંબુસર પોલીસે બે આરોપીઓની ધરપકડ કરી લીધી છે. જ્યારે અન્ય બેની શોધખોળ હાથ ધરી છે.તો બીજી તરફ ઝડપાયેલા બંને નસેડી દુષ્કર્મીઓ ડ્રગ્સ ક્યાંથી લાવ્યા, ડ્રગ્સના કારોબારમાં અન્ય કોણ સંડોવાયેલ છે. ડ્રગ્સ જાતે લીધા બાદ તેમજ બંને બહેનોને આપી આચરાયેલા દુષ્કર્મમાં વોન્ટેડ બંને આરોપી પણ સામેલ હતા કે નહીં. સહિતની તપાસ માટે કોર્ટમાં રજૂ કરી રિમાન્ડની તજવીજ હાથ ધરાય હોવાનું PSI વૈશાલી આહિરે જણાવ્યું છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
