મૈનપુરીમાં પુરપાટ ઝડપે આવી રહેલાં ટ્રકે; ટ્રેકટર અને ટ્રોલી ટક્કર મારતા 4 મહિલાઓના કમકમાટી ભર્યા મોત, 18 ઘાયલ
Mainpuri Accident: મૈનપુરીમાં એક પુરપાટ ઝડપે આવતા ટ્રકે રોડ કિનારે પાર્ક કરેલી ટ્રેક્ટર-ટ્રોલીને ટક્કર મારી હતી.મળતી માહિતી મુજબ ટ્રેક્ટર-ટ્રોલીમાં કુલ 40 લોકો મુસાફરી કરી રહ્યા હતા.આ સમય દરમિયાન આ અકસ્માતમાં ટ્રેક્ટર-ટ્રોલીમાં મુસાફરી કરી રહેલી ચાર મહિલાઓના(Mainpuri Accident) કરૂણ મોત નિપજ્યા હતા અને 18 લોકો ઘાયલ થયા છે.
4 લોકોના થયા મોત
અકસ્માતની મળતી માહિતી મુજબ, ટ્રોલીમાં મુસાફરી કરી રહેલા પુરૂષ અને મહિલા નામકરણ સમારોહમાં હાજરી આપીને પરત ફરી રહ્યા હતા. તે દરમિયાન માર્ગમાં આ અકસ્માત થયો હતો. અકસ્માતની માહિતી મળતાં જ પોલીસ ઘટનાસ્થળે પહોંચી હતી અને ઘાયલોને હોસ્પિટલ પહોંચાડ્યા હતા. આ અકસ્માત ભોગગાંવ પોલીસ સ્ટેશન વિસ્તારમાં જીટી રોડ પર થયો હતો.
કન્નૌજ જિલ્લાના છિબ્રામૌ પોલીસ સ્ટેશન વિસ્તારના કુબેરપુર ગામમાં રહેતા લોકો મૈનપુરી જિલ્લાના બિછવા પોલીસ સ્ટેશન વિસ્તારના ગામમાં એક કાર્યક્રમમાં ટ્રેક્ટરથી આવ્યા હતા. અહીંથી આ લોકો તેમના ગામ કુબેરપુર પરત જઈ રહ્યા હતા. આ સમય દરમિયાન, પોલીસ સ્ટેશન ભોગવ વિસ્તારમાં ટ્રેક્ટરના બેરિંગને નુકસાન થતાં, તેની લાઇટો જતી રહી, જેના કારણે ડ્રાઇવરે ટ્રેક્ટરને રોડની બાજુમાં પાર્ક કર્યું અને ટ્રેક્ટરના બેરિંગને રિપેર કરવાનું શરૂ કર્યું.
ગંભીર રીતે ઈજાગ્રસ્તોને સૈફઈમાં મોકલવામાં આવ્યા હતા.
દરમિયાન પાછળથી આવતી એક બેકાબૂ ટ્રકે ટ્રેક્ટર ટ્રોલીને જોરથી ટક્કર મારી હતી. આ અકસ્માતમાં ત્રણ મહિલાઓના ઘટનાસ્થળે જ મોત નીપજ્યા હતા, જ્યારે એક મહિલાનું સારવાર માટે લઈ જતી વખતે રસ્તામાં જ મોત થયું હતું. આ દુર્ઘટનામાં લગભગ 18 લોકો ઘાયલ થયા છે, જેમાંથી ત્રણ લોકોની હાલત ગંભીર હોવાથી તેમને સૈફઈમાં રિફર કરવામાં આવ્યા છે. બાકીના ઘાયલોને મેનપુરીની જિલ્લા હોસ્પિટલમાં સારવાર આપવામાં આવી રહી છે.
પરિવાર શોકમાં ગરકાવ
મૃતકોની ઓળખ 42 વર્ષીય સંજય, 45 વર્ષીય કાંતિ દફેદાર, 48 વર્ષીય ફૂલન દેવી, 56 વર્ષીય દ્રૌપદીનું મૃત્યુ થયું હોવાનું સામે આવ્યું છે.ત્યારે એક સાથે 4 લોકોના મોત થતા હાઇવે પર મોતની ચિચિયારીઓ ગુંજી ઉઠી હતી.તો બીજી તરફ તેમનો પરિવાર ઘેર શોકમાં ગરકાવ થયો છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App
