આ વ્યક્તિએ બનાવ્યા અનોખા ભીંડી સમોસા- એવી વસ્તુઓ નાખે છે કે જોઇને તમે પણ ગુસ્સે થઈ જશો...જુઓ વિડીયો
Bhindi Samosa: આજકાલ ખાણીપીણીના શોખીનોનું ધ્યાન ખેંચવા માટે સ્ટ્રીટ ફૂડ વેચનારાઓ ફૂડ સાથે અજીબોગરીબ પ્રયોગો કરી રહ્યા છે, જેને જોઈને ક્યારેક લોકોના મોંમાં પાણી આવી જાય છે તો ક્યારેક ગુસ્સો સાતમા આસમાને પહોંચી જાય છે. તાજેતરમાં ભારતના ફેવરિટ સાંજના નાસ્તા સમોસા સાથે પણ કંઈક આવું જ બન્યું છે. હાલમાં જ ભારતીય સ્ટ્રીટ ફૂડના રાજા કહેવાતા સમોસાનો એક વીડિયો વાયરલ થઈ રહ્યો છે, જેને જોઈને લોકો ગુસ્સે થઈ રહ્યા છે. તમે આજ સુધી મસાલેદાર બટાકાના સ્ટફિંગ સાથે સમોસાનો સ્વાદ ચાખ્યો જ હશે.આ સિવાય ડ્રાયફ્રૂટ્સથી લઈને નૂડલ્સ સમોસા સુધીની દરેક વસ્તુ બજારમાં ઉપલબ્ધ છે, પરંતુ આ બધાની વચ્ચે શું તમે ક્યારેય ભીંડાના સ્ટફિંગ વાળા સમોસાનું(Bhindi Samosa) નામ સાંભળ્યું છે, જો નહીં, તો એક વિડીયો વાયરલ થયો છે.જે વીડિયોમાં જોવા મળી રહ્યું છે કે સમોસામાં બટાકાની જગ્યાએ ભીંડાનો ઉપયોગ કરવામાં આવી રહ્યો છે.
સમોસાનો નવો પ્રયોગ
વાયરલ થઈ રહેલા આ વીડિયોમાં એક વિક્રેતા એક ગાડી પર ભીંડાના સ્ટફિંગવાળા સમોસા વેચતો જોવા મળી રહ્યો છે. વીડિયોમાં જોઈ શકાય છે કે કેવી રીતે સ્ટ્રીટ ફૂડ વિક્રેતા પહેલા સમોસાના બે ભાગ કરે છે અને તેની અંદરનો મસાલો બતાવે છે, જેમાં બટાકાની જગ્યાએ ભીંડા જોવા મળે છે. તેની સાથે ઉપર બટેટા-ચણાનું શાક અને લીલી ચટણી ઉમેરવામાં આવે છે. છેલ્લે, કોથમીર અને લીલા મરચા ઉમેરીને ખાવા માટે પીરસવામાં આવે છે. તેની કિંમત 30 રૂપિયા પ્રતિ પ્લેટ હોવાનું કહેવાય છે.
View this post on Instagram
ભીંડી સમોસા જોઈને યુઝર્સ ગુસ્સે થઈ ગયા
ભીંડી સમોસાનો આ વીડિયો જોઈને યુઝર્સ પણ દંગ રહી ગયા છે અને અલગ-અલગ પ્રતિક્રિયાઓ આપી રહ્યા છે. આ વીડિયો સોશિયલ મીડિયા પ્લેટફોર્મ ઈન્સ્ટાગ્રામ પર શેર કરવામાં આવ્યો છે, જેને અત્યાર સુધીમાં 4 હજારથી વધુ લોકોએ લાઈક કર્યો છે. એક યુઝરે લખ્યું, ભાઈ, આવા લોકોએ સમોસાની જાતિ બદલી નાખી છે. અન્ય એક યુઝરે લખ્યું, ગુરુપુરાણમાં આ માટે અલગથી સજા છે.તો અન્ય યુઝરે લખ્યું છે કે,આવી વાહિયાતગિરી બંધ થવી જોઈએ.
આ અગાઉ પણ ઘણીવાર ખાવાની વસ્તુ સાથે છેડછાડ કરવામાં આવી હોય તેવા અનેક વિડીયો સોશિયલ મીડિયા પર વાયરલ થતા હોય છે.ક્યારેલ લોકોનો પ્રેમ મળે છે,તો ક્યારેક લોકોના ગુસ્સાનો સામનો કરવો પડતો હોય છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App
