T20 વર્લ્ડકપને મહિનાઓ બાકી છે ત્યાં ટીમ સિલેકશનની યાદી વાઈરલ કરી દીધી આ ક્રિકેટપ્રેમીએ- જુઓ કોણ થયા સિલેક્ટ
ક્રિકેટ ચાહકોને આ વર્ષે T20 ફોર્મેટમાં ટ્રિપલ ડોઝ મળવા જઈ રહ્યો છે. પ્રથમ ઈન્ડિયન પ્રીમિયર લીગ (IPL) 2022 રમાઈ રહી છે. આ પછી વર્ષના અંતમાં ઓસ્ટ્રેલિયા(Australia)માં T20 વર્લ્ડ કપ પણ રમાવાનો છે. આની વચ્ચે એશિયા(Asia) કપ પણ રમાશે, જેમાં ભારત-પાકિસ્તાન(India-Pakistan)ની ટીમો ફરી એકવાર આમને-સામને થશે.
ગયા વર્ષે ટી20 વર્લ્ડ કપ પણ યોજાયો હતો, જેમાં ટીમ ઈન્ડિયા ગ્રુપ સ્ટેજમાંથી જ બહાર થઈ ગઈ હતી. હવે આ વર્ષે ભારતીય ટીમ ટાઈટલ જીતવાના ઈરાદા સાથે મેદાનમાં ઉતરશે. ચાહકો વર્લ્ડ કપને લઈને કેટલા ઉત્સુક છે તેનો અંદાજો આ વાત પરથી મેળવી લો કે, IPL મેચ દરમિયાન પણ ચાહકો વર્લ્ડ કપ માટે પોતાની ટીમને કાર્ડ પર બતાવી રહ્યા છે.
બુધવારે આવું જ કંઈક થયું, જ્યારે દિલ્હી કેપિટલ્સ (DC) અને રાજસ્થાન રોયલ્સ (RR)ની ટીમો સામસામે આવી. આ મેચમાં ઋષભ પંતની આગેવાનીમાં દિલ્હીની ટીમે 8 વિકેટે જીત મેળવી હતી. આ મેચમાં એક પ્રશંસક જોવા મળ્યો હતો જે કાર્ડ પર લખીને પોતાની વર્લ્ડ કપની ભારતીય ટીમ બતાવી રહ્યો હતો. જ્યારે તેનો ફોટો સોશિયલ મીડિયા પર વાયરલ થયો તો લોકોએ ટ્વિટર પર તેની મજા લેવાનું શરૂ કર્યું.
આ પ્રશંસકે રોહિત શર્માને પોતાની ટીમમાં કેપ્ટન બનાવ્યો હતો. આ સાથે વિરાટ કોહલી, કેએલ રાહુલ, સૂર્યકુમાર યાદવ, હાર્દિક પંડ્યા, દિનેશ કાર્તિક, યુઝવેન્દ્ર ચહલ, દીપક ચહર, મોહમ્મદ શમી, જસપ્રિત બુમરાહ, મોહમ્મદ સિરાજ, રાહુલ તિયોતિયા, ઋષભ પંત અને પ્રખ્યાત કૃષ્ણાને ટીમમાં રાખવામાં આવ્યા હતા. આના પર ચાહકોએ કેટલાક ફેરફાર કરવાનું પણ સૂચન કર્યું હતું.
અન્ય એક યુઝરે કોમેન્ટ કરીને લખ્યું, ‘દીપક ચહરની જગ્યાએ ટી નટરાજન હોવું જોઈએ. સિરાજની જગ્યાએ હર્ષલ પટેલ હોવું જોઈએ. હાર્દિક પંડ્યાએ બોલિંગ કરવી જોઈએ. તે જ સમયે, અન્ય યુઝરે રોહિત અને કોહલીને જ બાકાત રાખવાનું સૂચન કર્યું. તેણે કેએલ રાહુલને કેપ્ટન બનાવવાની વાત કરી હતી. સિરાજને બદલે અવેશ ખાનને રમવાનું સૂચન કર્યું.
તમને જણાવી દઈએ કે, આ વર્ષે યોજાનાર T20 વર્લ્ડ કપની હોસ્ટિંગ ઓસ્ટ્રેલિયા કરશે. વર્તમાન T20 વર્લ્ડ કપ ચેમ્પિયન પણ ઓસ્ટ્રેલિયા છે. T20 વર્લ્ડ કપમાં ફરી એકવાર ભારત અને પાકિસ્તાન આમને સામને થશે. શેડ્યૂલ મુજબ ટી-20 વર્લ્ડ કપ 16 ઓક્ટોબરથી શરૂ થશે. જ્યારે સુપર-12 રાઉન્ડ 22 ઓક્ટોબરથી શરૂ થશે, જેમાં ઓસ્ટ્રેલિયાનો મુકાબલો ન્યૂઝીલેન્ડ સાથે થશે. જ્યારે ટીમ ઈન્ડિયા 23 ઓક્ટોબરે પાકિસ્તાન સાથે ટકરાશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
