આ મંદિરમાં માતાજીને ફળ કે ફૂલ નહીં પરંતુ ચઢે છે પથ્થર, જાણો આ ચમત્કારી માતાનો ઇતિહાસ
Bilaspur Mandir: છત્તીસગઢમાં આવા અનેક મંદિરો છે, જેની ઓળખ ખૂબ જ ખાસ છે. બિલાસપુરમાં દેવીનું એક અનોખું મંદિર પણ છે, જ્યાં માતાને નારિયેળ, ફૂલો અને પૂજા સામગ્રી નથી ચઢાવવામાં આવતી, પરંતુ તેની જગ્યાએ પ્રસાદ તરીકે કાંકરા અને પથ્થર(Bilaspur Mandir) ચઢાવવામાં આવે છે.
આ અનોખી પરંપરા સદીઓથી અનુસરવામાં આવી રહી છે. ખામતરાય બગડાઈ મંદિરમાં વનદેવીની પૂજા થાય છે. એવું માનવામાં આવે છે કે વનદેવીના દરબારમાં મનોકામના પૂર્ણ કરવા માટે પાંચ પથ્થરો અર્પણ કરવામાં આવે છે. બિલાસપુરના આ મંદિરના પૂજારી જણાવે છે કે વનદેવીના મંદિરમાં પાંચ પથ્થર ચઢાવવાની અનોખી પરંપરા સદીઓથી ચાલી આવે છે .
આ મંદિરમાં ભક્તો ફૂલો, માળા અને પૂજા સામગ્રી લઈને આવતા નથી. તેના બદલે, તેઓ પાંચ પથ્થર લઈને માતાને પ્રસન્ન કરે છે અને માતાને પોતાની ઈચ્છા વ્યક્ત કરે છે. અહીં એવું માનવામાં આવે છે કે જે ભક્તો મા વનદેવીના મંદિરમાં સાચા મનથી પાંચ પથ્થર ચઢાવે છે તેમની મનોકામના ચોક્કસપણે પૂર્ણ થાય છે. એવું માનવામાં આવે છે કે વ્રતની પરિપૂર્ણતા પહેલા અને પછી, ભક્તોએ દરેકને પાંચ કાંકરા અથવા પથ્થરો અર્પણ કરવાના હોય છે.
આ ખાસ પથ્થર ચઢાવવામાં આવે છે,
મંદિરના પૂજારી વધુમાં જણાવ્યું હતું કે વનદેવીના મંદિરમાં પ્રસાદ તરીકે કોઈ પથ્થર ચઢાવી શકાય નહીં, પરંતુ ખેતરોમાં મળેલા ગોટા(ચમર ગોટા) પથ્થરને જ ચઢાવવાની પરંપરા છે. છત્તીસગઢીમાં આ પથ્થરને ચમરગોટા કહેવામાં આવે છે. માત્ર આ પથ્થરને જ પ્રસાદ તરીકે ચઢાવવામાં આવે છે. મંદિરમાં પહોંચેલા ભક્ત આલોક મિશ્રા કહે છે કે મંદિરની આ અનોખી પરંપરા વિશે જાણ્યા પછી ભક્તો દૂર-દૂરથી દર્શન કરવા અને પોતાની ઈચ્છા સાથે આવે છે. અહીં તેની મનોકામના પણ પૂર્ણ થાય છે. નવરાત્રિ નિમિત્તે મંદિરની ભવ્યતા જોવા જેવી છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App