For the best experience, open
https://m.trishulnews.com
on your mobile browser.
Advertisement

સુરત: સ્વિમિંગ પૂલમાં જ SMCના અધિકારીઓની દારૂ પાર્ટી; જાગૃત નાગરિકે રંગે હાથ ઝડપી પાડ્યા, જુઓ વિડીયો

05:01 PM Jun 21, 2024 IST | V D
સુરત  સ્વિમિંગ પૂલમાં જ smcના અધિકારીઓની દારૂ પાર્ટી  જાગૃત નાગરિકે રંગે હાથ ઝડપી પાડ્યા  જુઓ વિડીયો

Alcohol party in Surat Tarankund: ગુજરાતમાં ખાલી નામની જ દારૂબંધી છે પરંતુ અહીં છૂટથી દારૂ મળે છે અને પીવાય પણ છે. હદ તો એ થઈ ગઈ છે કે ગુજરાતના સુરત શહેરમાં મહાનગર પાલિકાના અધિકારી, કર્મચારીઓ પાલિકાની માલિકીના સ્વીમીંગ પુલની(Alcohol party in Surat Tarankund) કચેરીમાં જ દારૂની મહેફિલ માણે છે. દારૂની મહેફિલ માણતા અધિકારીઓ ગુરુવારે રંગેહાથ ઝડપાઈ ગયા હતા.

Advertisement

જાણે કે પોતાની માલીકીની જગ્યા હોય તેમ દારૃપાર્ટી કરતા હતા
સુરતના સિંગણપોર વિસ્તારમાં આવેલા તરણકુંડમાં ગુરુવારે સાંજે ભારત-અફઘાનિસ્તાન વચ્ચેની મેચ જોતા જોતાં સુરત પાલિકાના અધિકારીઓ દારૂની મહેફિલ માણી રહ્યાં હતાં. ત્યારે સિંગણપોરની જનતા તેમજ સુરત મનપાના વોર્ડ નં. 7ના કોર્પોરેટર નરેન્દ્ર પાંડવે મીડિયા કર્મચારી સાથે મળીને દરોડા પાડ્યા હતા.

Advertisement

કોર્પોરેટર અને મીડિયા કર્મી સ્વીમીંગ પુલમાં પહોંચ્યા ત્યારે અંદર એક રૂમમાં પાલિકાના અધિકારીઓ લેપટોપ મેચ જોઈ રહ્યાં અને દારૂ પી રહ્યાં હતાં. મીડિયા કર્મીને જોઈ દારૂડિયા અધિકારીઓ ઉભી પૂંછડીએ ભાગ્યા હતા. મીડિયા કર્મીએ વીડિયો રેકોર્ડિંગ ઓન રાખતા દારૂની બોટલો, નોનવેજ અને ભાગતા અધિકારીઓ કેમેરામાં રેકોર્ડ થઈ ગયા હતા.

Advertisement

આ લોકો કરતા હતા દારૃપાર્ટી
સૂત્રો અનુસાર દારૂની પાર્ટી કરનારા અધિકારીઓમાં પંકજ ગાંધી (સિનિયર ઇન્સ્પેક્ટર), તેજસ ખલાસી (સેવિંગ ઇન્સ્પેક્ટર ), પીનેશ સારંગ (ઇન્સ્પેક્ટર), અજય સેલર( ઇન્સ્પેક્ટર), સંજય રેતી વાલા (કોન્ટ્રાક્ટર) સ્વિમિંગ કરવા આવેલો એક સભ્ય સાથે વોચમેન હતો. આ તમામ ક્લાસ 3 ઓફિસરો અને કતારગામ સભ્ય સ્વિમિંગપુલના લોકો દ્વારા પાર્ટી કરતા રંગે હાથે ઝડપાયા હતા.

જાણે કે ચોર પોલીસ રમતા હતા તેવો ઘાટ સર્જાયો
ત્યાર બાદ કોર્પોરેટરે 100 નંબર ડાયલ કરીને આ ઓફિસરોને પોલીસને સોંપી દેવામાં આવ્યા હતા. જે રૂમ માં પાર્ટી થતી હતી તે રૂમ નો દરવાજો પોલીસ આવ્યા બાદ ખોલવામાં આવ્યો હતો. તેમ છતાં રૂમમાં પડેલી દારૂની બોટલ અને ગ્લાસ ત્યાંથી ગાયબ થઈ ગયા હતા. બોટલ કોણે ગાયબ કરી તે તપાસનો વિષય છે. પોલીસે તપાસ હાથ ધરી છે. સુરત મહાનગરપાલિકાનાં કમિશનર અને હાઉસિંગ વિભાગના કાર્યપાલક આવા અધિકારી ઉપર શું એક્શન લેશે તે જોવાનું રહ્યું!

Advertisement

Tags :
Advertisement
Advertisement