સ્કૂલ બસ પલટી જતા 6 વિધાર્થીઓના મોત; 15થી વધુ ગંભીર, ડ્રાઈવર નશામાં હોવાની આશંકા- શહેરમાં ફેલાઈ અરેરાટી

Mahendragarh School Bus Accident: હરિયાણાના મહેન્દ્રગઢ જિલ્લામાં સ્કૂલ બસ પલટી જતાં 5 બાળકોના મોત થયા છે. 15થી વધુ બાળકો ગંભીર રીતે ઘાયલ થયા છે અને તેમને હોસ્પિટલમાં દાખલ કરવામાં આવ્યા છે. તેમજ આ અકસ્માત કનિના શહેરના ઉન્હાની ગામ પાસે થયો હતો. બસ કાબૂ ગુમાવવાને કારણે રોડની(Mahendragarh School Bus Accident) વચ્ચે પલટી ગઈ હતી.જેના કારણે બાળકોમાં બુમાબુમ ઉઠી હતી.

6 બાળકોના મોત
રાહદારીઓએ બચાવ કામગીરી હાથ ધરી ઘાયલ બાળકોને બસમાંથી બહાર કાઢ્યા હતા. અકસ્માતની જાણ થતાં જ ગ્રામજનો ઘટનાસ્થળે એકત્ર થઈ ગયા હતા. બાળકોના વાલીઓ પણ ઉતાવળે ઘટના સ્થળે પહોંચી ગયા હતા. જ્યારે પોલીસને અકસ્માતની જાણ કરવામાં આવી ત્યારે પોલીસ સ્ટેશન ઈન્ચાર્જ ફોર્સ સાથે ઘટનાસ્થળે પહોંચ્યા અને બાળકોના મૃતદેહને કબજે કર્યો. કેટલાક બાળકોની હાલત ગંભીર છે, જેમને રેવાડી રિફર કરવામાં આવ્યા છે.

ઓવરટેકિંગ અકસ્માતનું કારણ
નજરે જોનારા લોકોએ જણાવ્યા અનુસાર, અકસ્માતનું કારણ ઓવરટેકિંગ હોઈ શકે છે કારણ કે રસ્તા પર ભારે ટ્રાફિક છે. ડ્રાઈવર વધુ ઝડપે ગાડી ચલાવી રહ્યો હતો ત્યારે અચાનક ઓવરટેક કરવાનો પ્રયાસ કરતી વખતે તેણે પોતાનું સંતુલન ગુમાવ્યું અને બસ રોડની કિનારે પલટી ગઈ. જ્યારે બાળકોએ ચીસો પાડવાનું શરૂ કર્યું, ત્યારે રાહદારીઓ દોડી આવ્યા અને બચાવ કામગીરી હાથ ધરી.

ડ્રાઈવર પર દારૂના નશામાં હોવાનો આરોપ
પોલીસ સ્ટેશન ઈન્ચાર્જ ઉદયભાને જણાવ્યું કે બસ કનિના શહેરમાં આવેલી જીએલપી નામની ખાનગી શાળાની હતી. આજે ઈદની રજા હતી, પરંતુ રજાના દિવસે શાળા કેમ ખોલવામાં આવી તેની તપાસ કરવામાં આવશે. પ્રત્યક્ષદર્શીઓનું કહેવું છે કે ડ્રાઈવર નશામાં હતો, તેની પણ તપાસ કરવામાં આવશે. ઘાયલ બાળકોની હાલત ખતરાની બહાર છે.

ઘણા ઘરોમાં માતમ ફેલાયો
અકસ્માતમાં ઘાયલ બાળકોને સ્થાનિક હોસ્પિટલમાં દાખલ કરવામાં આવ્યા છે. અકસ્માતમાં માર્યા ગયેલા બાળકોના પરિવારજનોના ઘરોમાં શોકનો માહોલ છે. જણાવવામાં આવી રહ્યું છે કે બસ ખૂબ જ સ્પીડમાં હતી. આ અકસ્માતમાં અનેક બાળકોને ગંભીર ઈજાઓ પણ થઈ હતી. અકસ્માત બાદ હોબાળો મચી ગયો હતો. સ્થાનિક લોકોની મદદથી ઘાયલોને હોસ્પિટલ લઈ જવામાં આવ્યા હતા.

• ગુગલ ન્યુઝમાં Trishul News Gujarati ની અપડેટ મેળવવા ક્લિક કરો:  Trishul News Gujarati 
• નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
• વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
• યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
• એન્ડ્રોઇડ એપ ડાઉનલોડ કરો: Trishul News Gujarati Android App  આઈફોન માટે એપ ડાઉનલોડ કરો: Trishul News Gujarati iPhone App