આ રોગના લોકોએ ભૂલથી પણ ન કરવુ જોઈએ આંબળાનું સેવન, નહીંતર...
Amla Effects: આમળા એક દેશી ફળ છે જેનો હજારો વર્ષોથી આયુર્વેદમાં ઔષધી તરીકે ઉપયોગ કરવામાં આવે છે. વાસ્તવમાં તેમાં આયર્ન, વિટામિન સી, એન્ટીઓક્સીડેન્ટ્સ, મિનરલ્સ વગેરે મોટી માત્રામાં જોવા મળે છે. આ કારણે, તે આપણી રોગપ્રતિકારક શક્તિ વધારવા અને વાળ અને ત્વચા માટે પણ ખૂબ ફાયદાકારક છે. આટલું જ નહીં, તે શુગરને કંટ્રોલ કરવા, મેટાબોલિઝમ વધારવા વગેરેમાં પણ ખૂબ મદદરૂપ છે. આટલા બધા ગુણો હોવા છતાં, આમળા( Amla Effects ) કેટલાક લોકોને નુકસાન પણ પહોંચાડી શકે છે. ત્યારે અહીં અમે જણાવી રહ્યા છીએ કે કયા લોકોએ આમળાનું સેવન ન કરવું જોઈએ અથવા ડૉક્ટરની સલાહ લીધા પછી જ તેને પોતાના આહારમાં સામેલ કરવું જોઈએ. તો જરા પણ વિલંબ કર્યા વિના જાણી લો કોને આમળા ન ખાવા જોઈએ.
આ લોકોએ આમળાનું સેવન ન કરવું જોઈએ.
ગેસની સમસ્યાઃ જે લોકોની પાચનશક્તિ નબળી હોય અથવા જેમને પેટમાં સરળતાથી એસિડ બનવાની સમસ્યા હોય તો આવા લોકોએ આમળાનું સેવન ટાળવું જોઈએ. આમળામાં જે ખટાશ હોય છે તે પેટમાં એસિડિટી ઉત્પન્ન કરે છે.
શરદીની સમસ્યાઃ ખરેખર આમળા ઠંડા હોય છે, જેના કારણે જો તમે તેને શિયાળામાં ખાશો તો તમને શરદી અને ઉધરસની સમસ્યાનો સામનો કરવો પડી શકે છે. જે લોકોને તરત જ શરદી થાય છે તેઓએ આમળાથી બચવું જોઈએ.
બ્લડ ડિસઓર્ડર: આમળામાં ભરપૂર માત્રામાં આયર્ન હોય છે અને તે લોહીના ગંઠાઈ જવાને દૂર કરે છે. આના કારણે, હાર્ટ સ્ટ્રોક અથવા એટેકનું જોખમ ઘટાડી શકાય છે, પરંતુ તે લોકો માટે ખતરનાક બની શકે છે જેમને પહેલાથી જ કોઈ બ્લડ ડિસઓર્ડર છે.
સર્જરી પછી: જો તમારી સર્જરી થઈ હોય, તો તમારે થોડા મહિનાઓ સુધી આમળા ખાવાનું ટાળવું જોઈએ. જો તમે સર્જરી પછી આમળા ખાઓ છો તો તેનાથી લોહી નીકળવાની શક્યતા વધી જાય છે.
લો બ્લડ શુગરઃ તે બ્લડ શુગરને ઓછું કરવામાં મદદ કરે છે. તેથી, જો તમારી બ્લડ સુગર ઓછી રહે છે, તો તમારે તેનું સેવન ન કરવું જોઈએ
કબજિયાત: કબજિયાતના દર્દીઓએ પણ તેનાથી દૂર રહેવુ જોઈએ. તેનું સેવન હદથી વધુ કરવાથી કબજિયાતની સમસ્યા વધી શકે છે.
યુરિન ઈન્ફેક્શન:જો તમને યુરિન ઈન્ફેકશનની સમસ્યા હોય તો પણ તમારે આંબળાનું સેવન કરવુ જોઈએ નહીં.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
