ભારતીય સ્ટાર બોક્સર Mary Kom એ નિવૃતિનું કર્યું એલાન- 6 વખત રહીં છે વિશ્વ વિજેતા, જાણો કેમ લીધો આ નિર્ણય?
Mary Kom Retirement: ભારતની સ્ટાર બોક્સર મેરી કોમે નિવૃત્તિની જાહેરાત કરી છે. મેરી કોમની આ જાહેરાતથી ચાહકોને મોટો આંચકો લાગ્યો છે. તેણે પોતાની નિવૃત્તિનું કારણ ઉંમર ગણાવ્યું છે. મેરી કોમ છ વખતની વર્લ્ડ ચેમ્પિયન અને 2012 ઓલિમ્પિક મેડલ વિજેતા છે. તેણીનું આખું નામ માંગતે ચુંગનીજાંગ મેરી કોમ છે. તેમણે તેમના જીવનમાં ઘણી મહત્વપૂર્ણ સિદ્ધિઓ હાંસલ કરીને વિશ્વ મંચ પર ભારતને ગૌરવ અપાવ્યું હતું. મેરી કોમની (Mary Kom Retirement) નિવૃત્તિ બાદ બોક્સિંગની દુનિયામાં એક યુગનો અંત આવ્યો છે.
40 વર્ષની ઉંમર સુધી સ્પર્ધામાં ભાગ લઈ શકશે
વાસ્તવમાં, ઇન્ટરનેશનલ બોક્સિંગ એસોસિએશન (IBA) ના નિયમો અનુસાર, પુરૂષ અને મહિલા બોક્સરોને 40 વર્ષની ઉંમર સુધી જ સ્પર્ધામાં ભાગ લેવાની મંજૂરી છે. જોકે, એક ઈવેન્ટ દરમિયાન 41 વર્ષીય મેરી કોમે કહ્યું હતું કે તેણીને હજુ પણ ચુનંદા સ્તરે સ્પર્ધામાં ભાગ લેવાની ભૂખ છે, પરંતુ વય મર્યાદાના કારણે તેણીએ તેની કારકિર્દી પર પડદો મૂકવો પડશે.
મેરી કોમે જણાવ્યું છે કે - “મારે તો હજુ રમવું છે પણ કમનસીબે વય મર્યાદાને કારણે, હું કોઈ પણ સ્પર્ધામાં ભાગ લઈ શકતી નથી. હવે મારે નિવૃત્ત થવું પડશે. " મેરીએ વધુ કહ્યું- "મેં મારા જીવનની બધી બાબતો પ્રાપ્ત કરી છે."
છ વખત વર્લ્ડ ટાઇટલ જીતનારી પ્રથમ મહિલા બોક્સર
મેરી કોમ બોક્સિંગના ઈતિહાસમાં છ વખત વર્લ્ડ ટાઈટલ જીતનારી પ્રથમ મહિલા બોક્સર છે. તે પાંચ વખતની એશિયન ચેમ્પિયન પણ છે. મેરી કોમે 2014 એશિયન ગેમ્સમાં ગોલ્ડ મેડલ જીત્યો હતો. આવું કરનાર તે ભારતની પ્રથમ મહિલા બોક્સર હતી.
મેરી કોમે લંડન 2012 ઓલિમ્પિક ગેમ્સમાં બ્રોન્ઝ જીત્યો હતો. તેમની કારકિર્દીમાં ભાગ્યે જ કોઈ રેકોર્ડ અથવા ટાઇટલ અસ્પૃશ્ય રહ્યા. તેણે માત્ર 18 વર્ષની ઉંમરે પોતાની જાતને દુનિયા સમક્ષ રજૂ કરી હતી. તે સમયે મેરી પેન્સિલવેનિયાના સ્ક્રેન્ટનમાં આયોજિત વર્લ્ડ કોન્ફરન્સમાં ભાગ લેવા ગઈ હતી.
મેરી કોમ પર ફિલ્મ બની છે
મેરી કોમનો જન્મ મણિપુરના ચુરાચંદપુર જિલ્લામાં થયો હતો. તેણીનો જન્મ એક ગરીબ ખેડૂત પરિવારમાં થયો હતો, પરંતુ તેણીએ વિશ્વ સ્તરે જે રેકોર્ડ બનાવ્યા તે હંમેશા ભારતને ગૌરવ અપાવતા હતા. મેરી કોમના જીવન પર 2014માં એક ફિલ્મ બની છે. જેમાં પ્રિયંકા ચોપરા લીડ રોલમાં હતી.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લaખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube