મહારાષ્ટ્રમાં ઉગ્ર બન્યું મરાઠા આરક્ષણ આંદોલન: NCP અજિત પવાર જૂથના ધારાસભ્યનું ઘરને ચાંપી દીધી આગ- જુઓ વિડીયો
Maharashtra Maratha Reservation: મહારાષ્ટ્રમાં મરાઠા આરક્ષણની આગ સતત સળગી રહી છે. મરાઠા આરક્ષણની આગમાં બીડ સળગી રહ્યું છે. આંદોલનકારીઓ હવે હિંસક બની ગયા છે.આરક્ષણનો વિરોધ કરી રહેલા લોકોએ NCP ધારાસભ્ય પ્રકાશ સોલંકેના ઘરને આગ ચાંપી દીધી હતી. આટલું જ નહીં, વિરોધીઓએ પહેલા બીડમાં એનસીપી ધારાસભ્ય પ્રકાશ સોલંકેના ઘરે તોડફોડ કરી અને પછી ઘરને આગ ચાંપી દીધી.
થોડી જ વારમાં આગ આખા ઘરને લપેટમાં લઈ ગઈ અને તેમાંથી જોરદાર જ્વાળાઓ અને કાળા ધુમાડા નીકળવા લાગ્યા. સમાચાર એજન્સી ANI દ્વારા આ ઘટનાનો વીડિયો જાહેર કરવામાં આવ્યો છે. ઘર સળગાવવાની ઘટના બાદ પ્રકાશ સોલંકેનું નિવેદન બહાર આવ્યું છે. તેણે કહ્યું કે જ્યારે વિરોધીઓએ તેના ઘરને આગ લગાડી ત્યારે તે અને તેનો પરિવાર અંદર હતો. તેણે કહ્યું કે સદનસીબે તેનો પરિવાર અને ઘરના તમામ કર્મચારીઓ સંપૂર્ણપણે સુરક્ષિત છે. આ ઘટનામાં તેને કોઈ નુકસાન થયું નથી. પરંતુ આગના કારણે તેમને ઘણું નુકસાન થયું છે.
Maharashtra NCP MLA Prakash Solanke, whose residence in Beed has been attacked by Maratha reservation protestors says, "I was inside my home when it was attacked. Fortunately, none of my family members or staff were injured. We are all safe but there is a huge loss of property… https://t.co/WBjTmWvP5r
— ANI (@ANI) October 30, 2023
લોકોએ ધારાસભ્યનું ઘર સળગાવી દીધું
અનામતની માંગણી કરી રહેલા લોકોએ હવે હિંસક બનવા લાગ્યા છે. ધારાસભ્યના ઘરને સળગાવવાની ઘટના તેનું જાણીતું ઉદાહરણ છે. રવિવારે મહારાષ્ટ્રના લાતુર શહેરમાં લગભગ 9 મહિલાઓ મરાઠા આરક્ષણની માંગ સાથે 70 ફૂટ ઉંચી પાણીની ટાંકી પર ચઢી હતી. અધિકારીઓએ આ માહિતી આપી હતી.
અધિકારીઓના જણાવ્યા અનુસાર, બપોરે લગભગ 3 વાગે આ મહિલાઓ ગાંધી ચોક વિસ્તારમાં આવેલી પાણીની ટાંકી પર ચઢી હતી. પોલીસ અને જિલ્લા વહીવટીતંત્રના અધિકારીઓની અપીલ છતાં તેણે નીચે આવવાનો ઇનકાર કર્યો હતો. તહસીલદાર સૌદાગર ટંડલે અને પોલીસ અધિકારીઓએ વિરોધ કરી રહેલી મહિલાઓને સમજાવવાનો પ્રયાસ કર્યો હતો પરંતુ તેઓ સંમત ન હતા અને કૂદી જવાની ધમકી પણ આપી રહ્યા હતા.
વિધાનસભ્ય પ્રકાશ સોલંકેએ ઘટના વિશે જણાવ્યું કે, 'હુમલો થયો ત્યારે હું મારા ઘરની અંદર હતો. જો કે, મારા પરિવારના કોઈ સભ્ય કે કર્મચારીને ઈજા થઈ નથી. અમે બધા સુરક્ષિત છીએ પરંતુ આગને કારણે જાનમાલનું મોટું નુકસાન થયું છે.'
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
