અમેરિકામાં છવાયો કિંગ કોહલી; ટાઇમ્સ સ્ક્વેર પર જોવા મળી વિરાટની ભવ્ય પ્રતિમા, વિડીયો થયો વાયરલ
Virat Kohli Viral Video: વિરાટ કોહલી, તે કોઈ નામ નથી પરંતુ એક બ્રાન્ડ છે. ભારતીય બેટ્સમેન વિરાટ કોહલીએ પોતાની રમતના દમ પર માત્ર ભારતમાં જ નહીં પરંતુ સમગ્ર વિશ્વમાં એવી ખ્યાતિ મેળવી છે કે હવે તેને કોઈ ઓળખની જરૂર નથી. વિરાટ કોહલીના(Virat Kohli Viral Video) માત્ર ભારતમાં જ ચાહકો નથી, આ સિવાય દુનિયાભરમાં તેના ફેન ફોલોઈંગ છે અને દુનિયાભરના ક્રિકેટ પ્રેમીઓ તેની રમતના વખાણ કરે છે.
હાલમાં સોશિયલ મીડિયા પર એક વીડિયો વાયરલ થઈ રહ્યો છે, જેને જોયા બાદ વિરાટ કોહલીના ફેન્સ ખુશ થઈ જશે. આ વીડિયો ન્યૂયોર્કના ટાઈમ્સ સ્ક્વેરનો છે. ચાલો હવે તમને જણાવીએ કે વીડિયોમાં શું જોવા મળે છે.
ટાઇમ્સ સ્ક્વેર પર છવાય ગયો વિરાટ કોહલી
તમે બધા વિશ્વની પ્રખ્યાત મેટ્રેસ બ્રાન્ડ ડ્યુરોફ્લેક્સને જાણતા જ હશો, જેના બ્રાન્ડ એમ્બેસેડર વિરાટ કોહલી છે. આ કંપનીએ તેના ટ્વિટર હેન્ડલ પરથી એક વીડિયો શેર કર્યો છે જે ન્યૂયોર્કના ટાઈમ્સ સ્ક્વેરનો છે. વીડિયોમાં વિરાટ કોહલીની એક મોટી પ્રતિમા જોવા મળી રહી છે. વિરાટ કોહલીની આ પ્રતિમા તેના ક્રિકેટ પોશાકમાં છે. તેના હાથમાં તેનું બેટ દેખાઈ રહ્યું છે જે તેણે હવામાં ઉંચું કર્યું છે. વિડિયો શેર કરતાં ડ્યુરોફ્લેક્સે કેપ્શનમાં લખ્યું, 'તાજેતરમાં આઇકોનિક ટાઇમ્સ સ્ક્વેર ખાતે વિરાટ કોહલીની વિશાળ પ્રતિમાનું અનાવરણ કરવામાં આવ્યું.'
ચાહકોએ કેવી પ્રતિક્રિયા આપી?
આ વીડિયો જોયા બાદ એક યુઝરે લખ્યું- ભારતીય ક્રિકેટરોની તાકાત હવે વૈશ્વિક સ્તરે ઓળખવામાં આવી રહી છે. અન્ય યુઝરે લખ્યું- આ GOAT છે. તમને જણાવી દઈએ કે GOAT નો અર્થ ગ્રેટ ઓફ ઓલ ટાઈમ થાય છે. ત્રીજા યુઝરે લખ્યું- કિંગ કોહલીની તાકાત. આ વિડીયોને લોકો દ્વારા ખુબ પસંદ કરવામાં આવી રહ્યો છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App