600 રૂપિયામાં LPG સિલિન્ડર... તમે પણ મેળવી શકો છો લાભ! સરકાર આપી રહી છે 75 લાખ નવા કનેક્શન
600 rupees LPG cylinder: કેન્દ્રીય મંત્રી હરદીપ સિંહ પુરીએ સંસદમાં મહત્વપૂર્ણ માહિતી આપતા કહ્યું કે, ગરીબ પરિવારોને સસ્તા ભાવે એલપીજી ગેસ સિલિન્ડર ઉપલબ્ધ કરાવવામાં સરકાર અન્ય દેશોની સરખામણીમાં અસરકારક રહી છે. પાડોશી દેશો પાકિસ્તાન, નેપાળ અને શ્રીલંકામાં એલપીજીની કિંમતો ભારત કરતા ઘણી વધારે છે. તાજેતરમાં સંસદમાં એક પ્રશ્નનો જવાબ આપતાં તેમણે એલપીજીના વપરાશ વિશે પણ માહિતી આપી હતી.
પેટ્રોલિયમ મંત્રી હરદીપ સિંહ પુરીએ જણાવ્યું હતું કે, પ્રધાનમંત્રી ઉજ્જવલા યોજના (PMUY) હેઠળ, એપ્રિલ-ઓક્ટોબર દરમિયાન એલપીજીનો સરેરાશ માથાદીઠ વપરાશ વધીને 3.8 સિલિન્ડર રિફિલ થયો છે,(600 rupees LPG cylinder) જે વર્ષ 2019-20 દરમિયાન 3.01 સિલિન્ડર રિફિલ હતો. અને તે દરમિયાન નાણાકીય વર્ષ 2022-23 તે 3.71 હતો.
માત્ર 600 રૂપિયામાં આપે છે સિલિન્ડર (600 rupees LPG cylinder)
કેન્દ્રીય મંત્રીએ કહ્યું કે, પ્રધાનમંત્રી ઉજ્જવલા યોજના (PMUY) હેઠળ કેન્દ્ર સરકાર ગરીબ પરિવારોને 300 રૂપિયાની સબસિડી આપે છે. આવી સ્થિતિમાં, યોજનાના લાભાર્થીને દિલ્હીમાં 603 રૂપિયામાં 14.2 કિલોનો LPG સિલિન્ડર મળશે. જો તમે કેન્દ્ર સરકારની આ યોજનાના લાભાર્થી છો, તો તમારે તેને નવી દિલ્હીમાં 903 રૂપિયામાં ખરીદવી પડશે. બાદમાં, 300 રૂપિયાની સબસિડી સીધી તમારા ખાતામાં મોકલવામાં આવશે. હરદીપ સિંહ પુરીએ જણાવ્યું કે પાકિસ્તાનમાં એલપીજી સિલિન્ડરની કિંમત 1059.46 રૂપિયા, શ્રીલંકામાં 1,032.35 રૂપિયા અને નેપાળમાં 1,198.56 રૂપિયા છે.
LPG ગ્રાહકોમાં વધારો
કેન્દ્રીય મંત્રી હરદીપ સિંહ પુરીએ કહ્યું કે, વર્ષ 2014 દરમિયાન 14 કરોડ એલપીજી ગ્રાહકો હતા, પરંતુ હવે તે 33 કરોડ થઈ ગયા છે. તેમણે કહ્યું કે માત્ર પ્રધાનમંત્રી ઉજ્જવલા યોજના હેઠળ લગભગ 10 કરોડ ગ્રાહકો છે. ઉલ્લેખનીય છે કે પ્રધાનમંત્રી ઉજ્જવલા યોજનાની શરૂઆત 2016માં વડાપ્રધાન નરેન્દ્ર મોદી દ્વારા કરવામાં આવી હતી, જેથી ગરીબ પરિવારોને પોષણક્ષમ ભાવે LPG ગેસનો લાભ મળી શકે.
PMUY ના વિસ્તરણ માટે મંજૂરી
તાજેતરમાં, વડા પ્રધાન નરેન્દ્ર મોદીની અધ્યક્ષતામાં કેન્દ્રીય કેબિનેટે નાણાકીય વર્ષ 2023-24 થી 2025-26 સુધીના ત્રણ વર્ષમાં 75 લાખ એલપીજી કનેક્શન્સ રિલીઝ કરવાની યોજનાના વિસ્તરણને મંજૂરી આપી છે. 75 લાખ નવા કનેક્શન સાથે પીએમ ઉજ્જવલા યોજના હેઠળ કુલ લાભાર્થીઓની સંખ્યા વધીને 10.35 કરોડ થઈ જશે.
PMUY હેઠળ લાભો કેવી રીતે મેળવવો
જો તમે પ્રધાનમંત્રી ઉજ્જવલા યોજના હેઠળ અરજી કરવા માંગો છો, તો સત્તાવાર વેબસાઇટ www.pmuy.gov.in પર જાઓ. હવે તમારે 'Apply for PMUY કનેક્શન' પર ક્લિક કરવાનું રહેશે. તમે જે કંપનીનો ગેસ સિલિન્ડર ખરીદવા માંગો છો તેને પસંદ કરો. આ પછી, દસ્તાવેજો સાથે બધી માહિતી ભરો અને એપ્લાય બટન પર ક્લિક કરો. જો તમે પાત્ર છો તો તમને થોડા દિવસોમાં આ યોજના હેઠળ લાભ મળવા લાગશે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
