જાણો કોણ હતા કરણી સેનાના પ્રમુખ સુખદેવ સિંહ ગોગામેડી? હત્યાના LIVE વિડીયો આવ્યા સામે
Sukhdev Singh Gogamedi Murder: કરણી સેનાના રાષ્ટ્રીય અધ્યક્ષ સુખદેવ સિંહ ગોગામેડીની ગોળી મારીને હત્યા કરવામાં આવી છે. જયપુરમાં બદમાશોએ તેના ઘરમાં ઘૂસીને ગોળી મારી દીધી હતી. આ હત્યાથી સમગ્ર રાજસ્થાનમાં ખળભળાટ મચી ગયો છે. ગોળી વાગતાં તે ગંભીર રીતે ઘાયલ થયો હતો. તેને તાત્કાલિક હોસ્પિટલમાં લઈ જવામાં આવ્યો જ્યાં તેનું મોત નીપજ્યું. બદમાશો સ્કૂટર પર બેસીને આવ્યા હતા. પોલીસે કહ્યું છે કે તે ઘરની બહાર ઊભો હતો ત્યારે તેના પર બે ગોળીઓ ચલાવવામાં આવી હતી.
રાજસ્થાનના જયપુરમાં મંગળવારે દિવસે દિવસે કરણી સેનાના પ્રમુખ સુખદેવ સિંહ ગોગામેડીની તેમના જ ઘરમાં હત્યા કરવામાં આવી હતી. આ ઘટનાનો વીડિયો પણ સામે આવ્યો છે. મળતી માહિતી મુજબ, આ ઘટનાની જવાબદારી લોરેન્સ ગેંગના રોહિત સ્વામીએ લીધી છે. પોલીસે તપાસ શરૂ કરી છે તમને જણાવી દઈએ કે લોરેન્સ ગેંગ એ જ છે જેણે બોલિવૂડ એક્ટર સલમાન ખાનને પણ ધમકી આપી છે.
सुखदेव सिंह गोगामेडी जी की हत्या का CCTV वीडियो ।
गद्दार समाज के नाम पर मदद मांगने आए थे 😔
ईश्वर सुखदेव सिंह की आत्मा को शांति प्रदान करे
ॐ शांति शांति 🙏 pic.twitter.com/iIIl2QHNVO— Yuvrajsinh Jadeja 🦁 (@Yuvi_1212) December 5, 2023
સ્થળ પર ભારે પોલીસ બંદોબસ્ત ગોઠવી દેવામાં આવ્યો છે. જયપુરમાં પોલીસ પ્રશાસન હાઈ એલર્ટ પર છે. હુમલાખોરો સ્થળ પરથી ફરાર થઈ ગયા હતા. તેના વિશે હજુ સુધી કંઈ જાણવા મળ્યું નથી. થોડા સમય પહેલા તેને જાનથી મારી નાખવાની ધમકી મળી હતી.
સુખદેવ સિંહ ગોગામેધી લાંબા સમયથી રાષ્ટ્રીય કરણી સેના સાથે જોડાયેલા હતા. સંગઠનમાં વિવાદને કારણે તેમણે રાષ્ટ્રીય રાજપૂત કરણી સેનાના નામથી અલગ સંગઠન બનાવ્યું હતું, જેના તેઓ પોતે પ્રમુખ બન્યા હતા. પદ્માવત ફિલ્મ અને ગેંગસ્ટર આનંદપાલ એન્કાઉન્ટર કેસ બાદ રાજસ્થાનમાં ભારે વિરોધ થયો હતો. આ પછી તે ચર્ચામાં આવ્યો હતો. તમને જણાવી દઈએ કે કરણી સેના કોઈ રાજકીય સંગઠન નથી પરંતુ તેની સાથે ઘણા નેતાઓ જોડાયેલા છે. રાજસ્થાનના રાજપૂત પ્રભુત્વવાળા વિસ્તારોમાં તેનો ઘણો પ્રભાવ છે.
કરણી સેના 2006માં અસ્તિત્વમાં આવી હતી. વર્ષ 2021માં રાજપૂત સમાજના બે મોટા સંગઠનો રાષ્ટ્રીય રાજપૂત કરણી સેના અને શ્રી રાજપૂત કરણી સેનાનું વિલીનીકરણ કરવામાં આવ્યું હતું. આ પછી આ સંગઠન શ્રી રાષ્ટ્રીય રાજપૂત કરણી સેના તરીકે ઓળખાતું હતું. સુખદેવ સિંહ ગોગામેડી તેના રાષ્ટ્રીય અધ્યક્ષ બન્યા. ફિલ્મ પદ્માવતના વિરોધમાં કરણી સેના પણ ચર્ચામાં રહી હતી. તે સમયે કરણી સેનાએ ફિલ્મને લઈને અભિનેત્રી દીપિકા પાદુકોણનું નાક કાપી નાખવાની ધમકી પણ આપી હતી.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
