300 મીટર ઉંડી ખીણમાં મુસાફરો ભરેલી બસ ખાબકતા આટલા બધા લોકોના મોત- 'ઓમ શાંતિ'
નેપાળ(Nepal)ના પહાડી વિસ્તારમાં થયેલા ભયાનક બસ અકસ્માતે(Bus accident) સમગ્ર વિસ્તારને હચમચાવી નાખ્યો છે. પૂર્વી નેપાળમાં એક પેસેન્જર બસ પહાડી પરથી 300 મીટરની ઊંડાઈમાં ખાબકી હતી. અકસ્માત સમયે બસમાં ઓછામાં ઓછા 20 લોકો સવાર હતા. બસ અકસ્માત એટલો ભયાનક હતો કે બસ નીચે પડી જતાં 14 મુસાફરોના ઘટનાસ્થળે જ મોત(14 deaths) થયા હતા. આ અકસ્માતમાં અન્ય પાંચ લોકો ઘાયલ થયા છે.
એક વરિષ્ઠ પોલીસ અધિકારીએ આ માહિતી આપી છે. આ અકસ્માત ગુરુવારે સવારે 7.30 વાગ્યે થયો હતો જ્યારે 20 મુસાફરોને લઈને સંખુવાસાવાના માડીથી ઝાપાના દમક જતી બસ ડ્રાઈવરે સ્ટિયરિંગ પરનો કાબૂ ગુમાવવાને કારણે પહાડી માર્ગ પરથી 300 મીટર નીચે લપસી ગઈ હતી, એમ અધિકારીએ જણાવ્યું હતું.
‘આ દુર્ઘટનામાં ઓછામાં ઓછા 14 મુસાફરના મોત થયા છે. મૃતકોની ઓળખ હજુ સુધી મળી શકી નથી.’ તેમણે કહ્યું કે અકસ્માત સ્થળેથી પાંચ લોકોને જીવતા લાવવામાં આવ્યા હતા અને તેમને હોસ્પિટલમાં લઈ જવામાં આવ્યા હતા અને તેમાંથી કેટલાકને ગંભીર ઈજાઓ થઈ હતી. અધિકારીએ કહ્યું, “પેસેન્જર બસ પહાડી રોડથી 300 મીટરની ઊંડાઈએ પડી હતી. પોલીસ સ્થાનિક લોકોની મદદથી રાહત અને બચાવ કામગીરીમાં વ્યસ્ત છે.”
ઑક્ટોબર 2017 માં નેપાળના ધાડિંગ જિલ્લામાં શનિવારે એક હાઇવે પર 50 મુસાફરોને લઈ જતી પેસેન્જર બસ નદીમાં પડી જતાં ઓછામાં ઓછા 14 લોકોના મોત થયા હતા અને 15 અન્ય ઘાયલ થયા હતા. એક અહેવાલ મુજબ, રાજબીરાજથી કાઠમંડુ જઈ રહેલી બસને અહીંથી લગભગ 80 કિલોમીટર દૂર ઘાટબેસી બાંગે મોર પર અકસ્માત થયો હતો. તત્કાલિન પોલીસ અધિક્ષક ધ્રુબરાજ રાઉતે જણાવ્યું હતું કે અત્યાર સુધીમાં ત્રિશુલી નદીમાંથી પાંચ મહિલાઓ અને બે બાળકોના મૃતદેહ બહાર કાઢવામાં આવ્યા છે. તેણે કહ્યું હતું કે આ મૃતદેહોની ઓળખ થઈ શકી નથી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
