અપનાવો આ 6 સરળ ઉપાયો! દવા વગર પણ કંટ્રોલમાં આવી જશે હાઈ બ્લડપ્રેશર
હાઈ બ્લડપ્રેશર(High blood pressure) (બીપી)ની સમસ્યાને અવગણવી જીવલેણ સાબિત થઈ શકે છે. કેટલાક કિસ્સાઓમાં તે હાર્ટ એટેક(Heart attack), હાર્ટ ફેલ્યોર(Heart failure), સ્ટ્રોક(Stroke), ડિમેન્શિયા (Dementia)માં પણ પરિણમી શકે છે. બીપીની સમસ્યામાં જીવનશૈલી ખૂબ જ મહત્વપૂર્ણ ભૂમિકા ભજવે છે, તેથી નિષ્ણાતો હાઈ બ્લડપ્રેશર ધરાવતા લોકોને તેમની જીવનશૈલી સુધારવાની સલાહ આપે છે. સામાન્ય બ્લડ પ્રેશર 120/80 mmHg સુધી હોય છે. 120 થી 140 સિસ્ટોલિક અને 80 થી 90 ડાયસ્ટોલિક વચ્ચેનું બ્લડ પ્રેશર પ્રી-હાઈપરટેન્શન ગણવામાં આવે છે અને 140/90 થી વધુ હાઈ બ્લડ પ્રેશર માનવામાં આવે છે. તેની શ્રેણી વય અનુસાર બદલાય છે.
ઘણા લોકો આ સમસ્યા માટે દવા લેતા હોય છે. પરંતુ કેટલાક નિષ્ણાતો માને છે કે હાઈ બ્લડ પ્રેશરની સમસ્યાને દવા વગર પણ ઠીક કરી શકાય છે, બસ આ માટે કેટલાક ઉપાયો કરવા પડશે. જો તમે પણ એવા લોકોમાંથી એક છો જેમને હાઈ બ્લડ પ્રેશરની ફરિયાદ છે અને દવા વગર તેનો ઈલાજ કરવા ઈચ્છો છો, તો તમે નીચે જણાવેલ પદ્ધતિઓ અપનાવી શકો છો.
1. વજન ઘટાડવું:
જ્યારે તમારું વજન વધે છે, ત્યારે તમારું બ્લડ પ્રેશર વધે છે. બીજી તરફ, વધુ વજન હોવાને કારણે સૂતી વખતે શ્વાસ લેવામાં તકલીફ પડે છે, જેનાથી બ્લડ પ્રેશર વધે છે. બ્લડ પ્રેશરને કંટ્રોલ કરવાનો શ્રેષ્ઠ ઉપાય છે વજન ઓછું કરવું. જો તમારું વજન વધારે હોય તો વજન ઓછું કરવાથી બ્લડ પ્રેશર ઘટાડવામાં પણ મદદ મળી શકે છે. વજન ઘટાડવા ઉપરાંત કમરની આસપાસની ચરબી પર પણ ધ્યાન આપો, કારણ કે કમરની આસપાસની ચરબીથી બ્લડપ્રેશર વધવાનો પણ ખતરો રહે છે.
2. દરરોજ વ્યાયામ કરો:
દરરોજ વ્યાયામ કરવાથી બ્લડ પ્રેશર ઓછું થાય છે. નિષ્ણાતોના મતે, દર અઠવાડિયે લગભગ 150 મિનિટની એક્ટીવીટી અથવા દરરોજ લગભગ 30 મિનિટની એક્ટીવીટી સાથે બ્લડ પ્રેશરમાં ઘટાડો જોવા મળે છે. આમ કરવાથી બ્લડ પ્રેશર લગભગ 5 થી 8 mm Hg સુધી ઘટાડી શકાય છે. પરંતુ જેમ તમે કસરત કરવાનું બંધ કરો છો, બ્લડ પ્રેશર ફરીથી વધવા લાગે છે, તેથી કસરતને તમારી દિનચર્યા બનાવો.
3. સ્વસ્થ આહાર લો:
આખા અનાજ, ફળો, શાકભાજી અને ઓછી ચરબીવાળા ભરપૂર ખોરાક ખાવાથી બ્લડ પ્રેશર ઘટાડવામાં મદદ મળી શકે છે. ઉપરાંત, એવા ખોરાક ખાવાનું ટાળો જે સંતૃપ્ત ચરબી, ટ્રાન્સ ચરબી અને કોલેસ્ટ્રોલ વધારે છે. તમારી ખાવાની આદતો બદલવી સરળ નથી, પરંતુ જો તમે થોડી મહેનત અને નિયંત્રણ સાથે આ કરો છો, તો તમે સરળતાથી બ્લડ પ્રેશર ઘટાડી શકો છો.
4. મીઠું ઓછું ખાઓ:
ભોજનમાં મીઠું ઓછું ખાવાથી માત્ર બ્લડ પ્રેશર ઘટશે જ નહીં પરંતુ હૃદયની તંદુરસ્તી સુધારવામાં પણ મદદ મળશે. જો કોઈ વ્યક્તિ આહારમાં મીઠું ઓછું લે છે, તો તેનું બ્લડ પ્રેશર લગભગ 5 થી 6 mm Hg ઘટી શકે છે. સામાન્ય રીતે, સોડિયમને 2,300 મિલિગ્રામ (mg) સુધી મર્યાદિત કરો. જેમને બ્લડ પ્રેશરની સમસ્યા હોય તેમણે આના કરતાં ઓછું સોડિયમ લેવું જોઈએ.
5. આલ્કોહોલની માત્રા મર્યાદિત કરો:
આલ્કોહોલ સ્વાસ્થ્ય માટે સારો માનવામાં આવતો નથી. જો પુરૂષો તેમના આલ્કોહોલનું સેવન 2 પીણાં સુધી મર્યાદિત કરે તો પણ તે તેમને બ્લડ પ્રેશર ઘટાડવામાં ઘણી મદદ કરી શકે છે. પરંતુ જો તમે વધારે પ્રમાણમાં આલ્કોહોલ પીઓ છો તો તેનાથી તમારી સમસ્યા વધી શકે છે.
6. કેફીનનું સેવન ઓછું કરો:
બ્લડ પ્રેશરમાં કેફીનની ભૂમિકા પર સંશોધન હજુ પણ ચાલુ છે. પરંતુ જે લોકો ભાગ્યે જ કેફીનયુક્ત પીણાં અથવા કોફીનું સેવન કરે છે, જો આવા લોકો ક્યારેક-ક્યારેક કેફીનયુક્ત પીણાં પીતા હોય તો તેમનું બ્લડ પ્રેશર 10 mm Hg વધી શકે છે. તેથી, જે લોકો ક્યારેય કોફી પીતા નથી, તે લોકોએ તેનાથી દૂર રહેવું જોઈએ.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
