આ સિમકાર્ડ યુઝર્સને મોટો ઝટકો: હવેથી મોબાઇલમાં 5G ઇન્ટરનેટ માટે વધારે રૂપિયા આપવા પડશે, જાણો વિગતવાર
5G Internet Latest News: મોબાઈલ યુઝર્સને લાગશે સોથી મોટો આંચકો લાગવા જઈ રહ્યો છે. એક અહેવાલ અનુસાર રિલાયન્સ જિયો અને એરટેલ પ્રીમિયમ વપરાશકર્તાઓ માટે અમર્યાદિત 5G ડેટા ઓફર કરતી યોજનાઓ બંધ કરી દેવામાં આવશે. મળતી માહિતી અનુસાર, વિશ્લેષકોએ જણાવ્યું છે કે, આવક વધારવા માટે આ કંપનીઓ આ વર્ષના બીજા ભાગથી 4G કરતાં 5G સેવા માટે 5 થી 10 ટકા વધુ ચાર્જ પણ કરી શકે છે. ઉદ્યોગ નિષ્ણાતો એવું માને છે કે, કંપનીઓ આ વર્ષે સપ્ટેમ્બરથી (5G Internet Latest News) મોબાઈલ ટેરિફમાં 20% વધારો કરવાના મૂડમાં લાગે છે. ટેરિફમાં વધારો કરીને બંને કંપનીઓ 5G માટે વિશાળ રોકાણ અને ઉચ્ચ ગ્રાહક સંપાદન ખર્ચ વચ્ચે તેમના RoCEમાં સુધારો કરવા માંગે છે.
મુદ્રીકરણ માટે તૈયાર છે કંપનીઓ
Airtel અને Jio લગભગ એક વર્ષથી વપરાશકર્તાઓને 4G દરે 5G સેવા ઓફર કરી રહી હતી. જેમાં કંપનીઓ અનલિમિટેડ 5G ડેટા ઓફર કરીને યુઝર્સને નેક્સ્ટ જનરેશનની વાયરલેસ બ્રોડબેન્ડ સર્વિસમાં અપગ્રેડ કરવા માટે ઘણી લલચાવી રહી છે. મળતી માહિતી અનુસાર, આ હવે બદલાઈ શકે છે કારણ કે Jio અને Airtel દેશભરમાં તેમની 5G સેવા શરૂ કરવા અને મુદ્રીકરણ પર ધ્યાન કેન્દ્રિત કરવા જઈ રહી છે.
લોકોને આકર્ષવા 5G પ્લાન થશે લોન્ચ
મળતી વિગતો અનુસાર, મુદ્રીકરણ અને 5G કવરેજને પૂર્ણ કરવા તરફ વધતા ધ્યાન સાથે Jio અને Airtel ઉચ્ચ ARPU ડેટા ગ્રાહકોને અમર્યાદિત 5G ડેટા ઓફર કરવાનું બંધ કરી દ્ર્વામાં આવશે. આ કંપનીઓ આ વર્ષના બીજા ભાગમાં તેમના 5G પ્લાન પણ લોન્ચ કરી શકે તેવું લાગી રહ્યું છે. એવું કહેવામાં આવી રહ્યું છે કે, એરટેલ અને જિયોના 5G પ્લાન 4G કરતા 5 થી 10 ટકા મોંઘા પણ થઈ શકે છે.
આટલા ટકા વધુ ડેટા ઉપલબ્ધ થઈ શકે
Jio અને Airtel વપરાશકર્તાઓને આકર્ષવા માટે તેઓ મોંઘા 5G પ્લાનમાં 30 થી 40 ટકા વધુ ડેટા ઓફર પણ કરી શકે છે, જેથી આ સેવાનો ઉપયોગ કરનારા વપરાશકર્તાઓની સંખ્યા ઝડપથી વધે.મળતી માહિતી અનુસાર, ગયા વર્ષે નવેમ્બરમાં એરટેલના મેનેજિંગ ડાયરેક્ટર ગોપાલ વિટ્ટલે કહ્યું છે કે, પ્રતિ યુઝર માસિક સરેરાશ આવક રૂ. 200 થી વધારીને રૂ. 250 કરવા માટે કંપની યોગ્ય સમયે એકંદર મોબાઇલ ટેરિફ વધારવામાં સૌથી આગળ રહી શકે તેવું લાગી રહ્યું છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લaખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
