હલ્દિયા જઈ રહેલી બસ ઓવરબ્રિજ પરથી નીચે પટકાતાં સર્જાયો ગમખ્વાર અકસ્માત: 5 લોકોનાં મોત; 40 થી વધુ ઘાયલ...
Odisha Accident: ઓડિશાના જાજપુર જિલ્લામાં એક મોટો અકસ્માત સર્જાયો હતો. અહીં નેશનલ હાઈવે-16 પર સોમવારે મોડી રાત્રે એક બસ ઓવરબ્રિજ પરથી પડી ગઈ હતી. આ ઘટનામાં અત્યાર સુધીમાં 5 લોકોના મોત થયા હતા, જ્યારે 40થી વધુ લોકો ઘાયલ હતા.જેમાંથી ઘણા લોકોની હાલત નાજુક હોવાનું કહેવાય છે. લગભગ 10 લોકોને આઈસીયુમાં રાખવામાં આવ્યા છે, બસ મુસાફરોને(Odisha Accident) લઈને બંગાળ જઈ રહી હતી.ત્યારે ઘટના બાદ મુખ્યમંત્રી નવીન પટનાયકે અધિકારીઓને ઘટનાસ્થળે મોકલ્યા હતા અને ઘટનાની તપાસના આદેશ આપ્યા છે. મૃતકોના પરિવારજનો અને ઘાયલોને વળતરની જાહેરાત કરવામાં આવી છે.
મળતી માહિતી મુજબ,મહિલાઓ અને બાળકો સહિત લગભગ 55 મુસાફરોને લઈને બસ પશ્ચિમ બંગાળના પૂર્વ મેદિનીપુર જિલ્લાના હલ્દિયા જઈ રહી હતી. બસના ડ્રાઇવરે કથિત રીતે કાબૂ ગુમાવ્યો હતો અને રાત્રે 8 વાગ્યાની આસપાસ રસૂલપુર વિસ્તારમાં જાજપુરમાં બારાબતી ચોક પાસેના ઓવરબ્રિજ પરથી નીચે અથડાઈ હતી.
બસમાંથી મુસાફરોને બહાર કાઢ્યા
માહિતી મળતાં રસુલપુર અને ચંડીખોલ ફાયર સ્ટેશનના ફાયર સર્વિસના જવાનો તાત્કાલિક અકસ્માત સ્થળે પહોંચી ગયા હતા અને સ્થાનિક લોકોની મદદથી પીડિતોને બચાવ્યા હતા. ફાયર બ્રિગેડના જવાનોએ ગેસ કટરની મદદથી ઘાયલોને બસમાંથી બહાર કાઢ્યા હતા. બચાવ કામગીરીમાં 16 એમ્બ્યુલન્સ અને ક્રેનનો ઉપયોગ કરવામાં આવ્યો હતો.
40થી વધુ મુસાફરો ઘાયલ
જાજપુરના પોલીસ અધિક્ષક, ડોકટરોની એક ટીમ અને જિલ્લા વહીવટીતંત્રના અન્ય અધિકારીઓ પણ બચાવ કામગીરીની દેખરેખ માટે અકસ્માત સ્થળે પહોંચ્યા હતા. લગભગ 40 ઘાયલ મુસાફરોને ધર્મશાળાની નજીકની હોસ્પિટલમાં લઈ જવામાં આવ્યા, જ્યાં ડૉક્ટરોએ 5ને મૃત જાહેર કર્યા. બે લોકોના સારવાર દરમિયાન મોત નિપજ્યા હતા. 10 થી વધુ મુસાફરોને SCB મેડિકલ કોલેજમાં દાખલ કરવામાં આવ્યા છે.
મુખ્યમંત્રીએ વળતરની જાહેરાત કરી
આ દુ:ખદ દુર્ઘટના પર શોક વ્યક્ત કરતા મુખ્યમંત્રી નવીન પટનાયકે મૃતકોના પરિવારજનોને 3 લાખ રૂપિયાની એક્સ-ગ્રેશિયા રકમની જાહેરાત કરી છે. તેમણે એવી પણ જાહેરાત કરી હતી કે ઘાયલોની સારવારનો તમામ ખર્ચ રાજ્ય સરકાર ઉઠાવશે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App
