બંગાળમાં કોંગ્રેસ નેતા રાહુલ ગાંધીની કાર પર ઈંટો અને પથ્થરોથી હુમલો, હુમલાખોરોના નામ આવ્યાં સામે? જુઓ વિડીયો
Attack on Rahul Gandhi's Car: હાલમાં કોંગ્રેસ નેતા રાહુલ ગાંધી ભારત જોડો ન્યાય યાત્રા કાઢી રહ્યા છે. યાત્રા સાથે જોડાયેલ એક મહત્વપૂર્ણ સમાચાર સામે આવ્યા છે. બુધવારે પશ્ચિમ બંગાળના માલદા જિલ્લામાં કોંગ્રેસની 'ભારત જોડો ન્યાય યાત્રા'માં પાર્ટીના નેતા રાહુલ ગાંધી જે કારમાં મુસાફરી કરી રહ્યા હતા તે કાર પર અજાણ્યા લોકોએ પથ્થરમારો(Attack on Rahul Gandhi's Car) કર્યો હતો. કોંગ્રેસના પશ્ચિમ બંગાળ એકમના વડા અધીર રંજન ચૌધરીએ આ દાવો કર્યો છે. આ ઘટનામાં કારની પાછળની બારીના કાચ તૂટી ગયા હતા પરંતુ રાહુલ ગાંધી સુરક્ષિત છે, તેમને કોઈ ઈજા થઈ નથી.
ઈંટો અને પથ્થરો વડે કરવામાં આવ્યો હુમલો
વીડિયોમાં આવેલા દ્રશ્યોમાં, રાહુલ ગાંધી નિર્ધારિત સ્ટોપ પર પહોંચ્યા પછી વાહનમાંથી નીચે ઉતરતા અને ક્ષતિગ્રસ્ત બારીના કાચનું નિરીક્ષણ કરતા જોવા મળે છે. આ હુમલો માલદાના હરિશ્ચંદ્રપુર વિસ્તારમાં ત્યારે થયો જ્યારે યાત્રા બિહારથી પશ્ચિમ બંગાળમાં ફરી હતી. કોંગ્રેસના પશ્ચિમ બંગાળ એકમના વડા અધીર રંજન ચૌધરીએ જણાવ્યું હતું કે, "રાહુલ ગાંધી જે વાહનમાં મુસાફરી કરી રહ્યા હતા તેની પાછળની બારીનો કાચ પથ્થરમારો બાદ તૂટી ગયો હતો... આવા કૃત્યો અસ્વીકાર્ય છે."
ममता बनर्जी शासित पश्चिम बंगाल में मालदह में राहुल गांधी की कार पर हमला हुआ.
उफ्फ #BharatJodoNyayYatra #RahulGandhi pic.twitter.com/5rGbLoWBQD— Rohit Jain (@Rohitjain9999) January 31, 2024
આ યાત્રા 67 દિવસમાં 6,713 કિલોમીટરનું અંતર કાપશે
તે જ સમયે, રાહુલ ગાંધીએ બુધવારે બિહારના કટિહાર જિલ્લામાં રોડ શો સાથે તેમની "ભારત જોડો ન્યાય યાત્રા" ફરી શરૂ કરી. પાર્ટીના એક નેતાએ કહ્યું કે કટિહારમાં રાત્રિ આરામ કર્યા બાદ ગાંધીએ સવારે પોતાની યાત્રા શરૂ કરી. તે સવારે 11.30 વાગ્યાની આસપાસ માલદા થઈને પશ્ચિમ બંગાળમાં પ્રવેશ કરે તેવી ધારણા છે. તમને જણાવી દઈએ કે રાહુલ ગાંધીની "ભારત જોડો ન્યાય યાત્રા" 14 જાન્યુઆરીએ મણિપુરથી શરૂ થઈ હતી. આ યાત્રા 67 દિવસમાં 6,713 કિલોમીટરનું અંતર કાપશે અને 15 રાજ્યોના 110 જિલ્લામાંથી પસાર થશે અને 20 માર્ચે મુંબઈમાં સમાપ્ત થશે.
કોણ હતા હુમલાખોરો
હુમલાખોરો સામાન્ય લોકો હતા જેઓ રાહુલથી નારાજ હોવાનું જણાવાઈ રહ્યું છે જોકે અધીર રંજન ચોધરીએ હુમલા માટે ટીએમસી પર આરોપ મૂક્યો છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લaખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
