BMW i5 લક્ઝરી ઇલેક્ટ્રિક કાર લોન્ચ: 516 કિમીની રેન્જ; આ કાર માટે ઉમટી પડી લોકોની ભીડ, જાણો કિંમત...
BMW i5 M60: BMW હાલમાં ભારતમાં લક્ઝરી ઇલેક્ટ્રિક કારની રેસમાં આગળ છે. હવે કંપની પોતાની નવી BMW i5 M60 xDrive લાવી છે જે ઘણી એડવાન્સ (BMW i5 M60) ફીચર્સથી સજ્જ છે. તેની એક્સ-શો રૂમ કિંમત 1,19,50,000 રૂપિયા છે. આ એક CBU મોડલ છે.
ખાસ વાત એ છે કે તેના પર 2 વર્ષની સ્ટાન્ડર્ડ અને અનલિમિટેડ કિલોમીટર વોરંટી આપવામાં આવી રહી છે. આ ઉપરાંત, કંપની તેની બેટરી પર 1,60,000 કિમીની વોરંટી પણ આપી રહી છે. આ કારની ડિઝાઇન, ફીચર્સ અને ડ્રાઇવિંગ રેન્જ એવી છે કે લોકો તેને જોવા માટે બેતાબ છે. ચાલો જાણીએ આ નવા મોડલ વિશે.
સ્પોર્ટી ડિઝાઇન
આગળના દેખાવ વિશે વાત કરીએ તો, અહીં BMW kidney grille જોવા મળે છે જે તેને સ્પોર્ટી અને સ્ટાઇલિશ લુક આપવામાં મદદ કરે છે. આ કારમાં એડપ્ટિવ હેડલેમ્પ આપવામાં આવ્યા છે. એલ શેપની ટેલ લાઇટ પાછળના ભાગમાં ઉપલબ્ધ છે. આ કારમાં 20 ઇંચના M લાઇટ એલોય વ્હીલ્સ છે જે તમારું ધ્યાન આકર્ષિત કરવામાં સફળ રહેશે.
ઈન્ટિરિયરની વાત કરીએ તો કેબિનમાં ઉચ્ચ ગુણવત્તાની સામગ્રીનો ઉપયોગ વ્યાપકપણે જોવા મળે છે. કારમાં સ્પોર્ટી સીટો આપવામાં આવી છે જે દેખાવમાં માત્ર સારી નથી પણ આરામદાયક પણ છે. આ સિવાય તેમાં M લેધર સ્ટીયરિંગ વ્હીલ પણ મળે છે.
સિંગલ ચાર્જ પર 516 કિમી દોડશે
આ કાર માત્ર 3.8 સેકન્ડમાં 0-100 કિમીની ઝડપ પકડી લે છે. આ એક ખૂબ જ પાવરફુલ ઇલેક્ટ્રિક કાર છે જે 601hp પાવર અને 795Nm ટોર્ક આપે છે. તેમાં 83.9 kWh બેટરી પેક છે. તે ફુલ ચાર્જ પર 516 કિલોમીટરની રેન્જ આપે છે. તેમાં ઓલ વ્હીલ ડ્રાઇવની સુવિધા છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App