બોટાદ: ઢાકણીયા રોડ પર ટ્રેક્ટર અને બાઈક વચ્ચે સર્જાયો ગોઝારો અકસ્માત; ગઢડાના બાઈકચાલક યુવાનનું મોત
Botad Accident: બોટાદ શહેરના ઢાકણીયા રોડ પર ટ્રેકટર તેમજ બાઈક વચ્ચે ગંભીર અકસ્માત સર્જાયો હતો.જેના કારણે બાઇકચાકળનું ઘટનાસ્થળ પર જ કમકમાટીભર્યું મોત થયું હતું.જેના પગલે લોકોના ટોળેટોળા એકત્ર થઇ ગયા હતા.તેમજ આ ઘટના અંગે પોલીસને(Botad Accident) જાણ કરતા પોલીસનો કાફલો ઘટનાસ્થળ પર પહોંચી અકસ્માતની નોંધ લાઈ આગળની કાર્યવાહી હાથ ધરી હતી.
બાઈકચાલકનું ઘટનાસ્થળ પર મોત
ઢાકણીયા રોડ પર ટ્રેકટર સામેથી આવી રહ્યું હતું તે દરમિયાન બાઈક સાથે ટકરાતા અકસ્માત સર્જાયો હતો.જેના પગલે બાઇકચાલક પર ટ્રેક્ટરનું ટાયર ફરી વળતા બાઇકચાલકને ગંભીર ઇજા પહોંચી હતી.આથી જ સ્થળ પર જ બાઈક ચાલકનું મોત નીપજ્યું હતુ, સાથે જ આ ઘટનાને લઇ આસપાસના વિસ્તારમાં તેમજ રોડ પરથી પસાર થતા લોકોના ટોળા એકત્રિત થયા હતા. ઘટનાની જાણ બોટાદ પોલીસના થતાં બોટાદ પોલીસનો સ્ટાફ ઘટના સ્થળ પર પહોંચ્યો હતો. હાદમાં 108 એમ્બ્યુલન્સની ટીમ દ્વારા ઘટના સ્થળ પર પહોંચી મૃતકને પીએમ અર્થે હોસ્પિટલ ખાતે ખસેડવામાં આવ્યો હતો.
પરિવાર શોકમાં ગરકાવ
પોલીસ પાસેથી મળતી માહિતી મુજબ આ યુવકનું નામ ગઢડા તાલુકાના ભીમદાડ ગામના ચિરાગ મગનભાઈ પ્રજાપતિ હોવાનું સામે આવ્યું છે.ત્યારે અકાળે આ યુવકનું મોત થતા તેનો પરિવાર ભારે શોકમાં ગરકાવ થયો છે.તેમજ તેના પરિવારમાં આક્રન્દ છવાઈ ગયો હતો.
અકસ્માતની બીજી ઘટના વલસાડથી આવી
બીજી તરફ કપરાડાના હુંડા ગામે બે બાઈક સામ સામે અથડાતા સર્જાયેલા અકસ્માતમાં બાઈક સવાર બારપૂડા ગામની મહિલાને ગંભીર ઈજા થઈ હતી. જ્યારે બંને બાઈકચાલકો સહિત ત્રણને પણ ઈજા થઈ હતી. ગંભીર રીતે ઈજાગ્રસ્ત મહિલાનું સારવાર દરમિયાન મોત નીપજ્યું હતું.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App
