For the best experience, open
https://m.trishulnews.com
on your mobile browser.
Advertisement

ગોંડલ જસદણ હાઇવે પર મંદિરે જતાં પરિવારને નડ્યો અકસ્માત; એકનો એક દીકરો ગુમાવતાં માતા-પિતાનું હૈયાફાટ રુદન

06:04 PM Jun 06, 2024 IST | Drashti Parmar
ગોંડલ જસદણ હાઇવે પર મંદિરે જતાં પરિવારને નડ્યો અકસ્માત  એકનો એક દીકરો ગુમાવતાં માતા પિતાનું હૈયાફાટ રુદન

Gondal Jasdan Highway Accident: ગોંડલ શહેરમાં રોજ નાના મોટા અકસ્માતમાં લોકોના મોત થઇ રહ્યા છે, ત્યારે આજે વહેલી સવારે  ગોંડલ જસદણ હાઇવે પર આઇસર અને કાર વચ્ચે ગમખ્વાર અકસ્માત સર્જાયો હતો. જેમાં ગોંડલ તાલુકાના ખાંડાધાર ગામના પૂર્વ સરપંચના પુત્રનું ઘટનાસ્થળે મોત નીપજ્યું હતું. ઘટનાની જાણ થતા પોલીસ ઘટના સ્થળે દોડી આવી આગળની કાર્યવાહી હાથ ધરી છે. બીજી તરફ મૃતકના પરિવારના(Gondal Jasdan Highway Accident) સભ્યો હૈયાફાટ રુદન કરી રહ્યા છે.

Advertisement

મળતી માહિતી અનુસાર  ગોંડલ તાલુકાના ખાંડાધાર ગામના પૂર્વ સરપંચનો પુત્ર હાર્દિક આસોદરિયા આજે વહેલી સવારે પોતાના ઘરેથી ખારચિયા ગામે સુરાપુરાના મંદિરે દર્શન કરવા જઈ રહ્યો હતો. ત્યારે ગોંડલ જસદણ હાઇવે પર આવેલા રામોદ અને નાનામાંડવા વચ્ચે આઇસર અને અલ્ટો કાર વચ્ચે અકસ્માત સર્જાયો હતો. જેમાં હાર્દિકની અલ્ટો કાર ટોટલ લોશ થઈ જવા પામી હતી અને આઇસર પલ્ટી મારી ગયું હતું.

Advertisement

કારચાલક હાર્દિક આસોદરિયાનું ઘટના સ્થળે જ મોત નીપજ્યું હતું. અકસ્માતની સમગ્ર ઘટનાને લઈને ગોંડલની 108 એમ્બ્યુલન્સ પાયલોટ પ્રતાપભાઈ અને ઈએમટી કાનજીભાઈ ઘટનાસ્થળે પહોંચ્યા હતા. હાલ મૃતદેહને પોસ્ટમોર્ટમ અર્થે ગોંડલ સિવિલ હોસ્પિટલ ખાતે ખસેડવામાં આવ્યો હતો. અકસ્માતની સમગ્ર ઘટનાની તપાસ કોટડા સાંગાણી પોલીસે હાથ ધરી છે.

Advertisement

ચાર બહેનોએ એક નવાઈનો ભાઈ ગુમાવ્યો  
ગોંડલ તાલુકાના ખાંડાધારના પૂર્વ સરપંચ ચંદુભાઈ આસોદરિયાના એકના એક પુત્ર હાર્દિક ચંદુભાઈ આસોદરિયાનું અકસ્માતમાં મોત નીપજતા પરિવાર પર આભ તૂટી પડ્યું છે. મૃતક હાર્દિક 28 વર્ષનો હતો અને તેણે બી.કોમ સુધીનો અભ્યાસ પૂર્ણ કર્યો હતો. ગોંડલમાં કારખાનું ધરાવતો હતો અને પરિવારમાં માતા-પિતા અને ચાર બહેનોમાં સૌથી નાનો હતો. અકસ્માતની જાણ થતાં જ પરિવાર, સગા-સ્નેહીઓ મિત્રો સહિત ગ્રામજનો સિવિલ હોસ્પિટલ દોડી આવ્યા હતા.

Advertisement
Tags :
Advertisement
Advertisement