પાલનપુરના ચંડીસર બ્રિજ નજીક ટ્રેલર નીચે આવી જતા યુવકનું ઘટના સ્થળે જ મોત
Palanpur Accident: બનાસકાંઠા જિલ્લામાં છેલ્લા કેટલાક સમયથી અકસ્માતોની વણઝાર ચાલી રહી છે. ગફલતભરી ડ્રાઈવિંગ અને પૂરપાટ ઝડપે વાહનો હંકારતા વાહનચાલકો દ્વારા અકસ્માતો સર્જી નિર્દોષ લોકો મોતને ભેટી રહ્યાં છે. ત્યારે આજરોજ ડીસા-ભીલડી હાઈવે(Palanpur Accident) પર ભીલડી રેલવે બ્રિજ પર મુકવામાં આવેલા ડિવાઈન્ડરના કારણે જઈ રહેલા એક ટ્રેલર પાછળ પૂરપાટ ઝડપે આવતું ટ્રેલર ધુસી જતાં અકસ્માત સર્જાયો હતો. જેમાં એક ટ્રેલર ક્લીનરનું સારવાર દરમિયાન મોત નીપજતાં અરેરાટી પ્રસરી જવા પામી હતી.
ટ્રેલર નીચે આવી જતા યુવકનું મોત
આ ઘટના અંગે મળતી માહિતી મુજબ, પાલનપુરના ચંડીસર બ્રિજ પાસે એક ટ્રેલર ચાલકે બેદરકારી દાખવતા એક યુવકને કચડ્યો છે, જેમાં ટ્રેલરના પાછળના ભાગે યુવક આવી જતા યુવક કચડાઈ ગયો હતો અને તેનું ઘટના સ્થળે જ મોત નીપજ્યું હતું. બનાવના પગલે લોકોના ટોળેટોળા એકઠા થયા હતા. ઘટનાની જાણ થતાં ભીલડી પોલીસે આવી મૃતક કમલેશભાઈ માંગીલાલ ભીલની લાશને પોસ્ટમોર્ટમ અર્થે ડીસા સિવિલ હોસ્પિટલમાં ખસેડી હતી. જ્યારે અકસ્માત સર્જનાર ટ્રેલર ચાલક ભંવરલાલ જયરામજી ઔડ સામે ભીલડી પોલીસ સ્ટેશનમાં ગુનો નોધી આગળની તપાસ હાથ ધરી છે.
અકસ્માતનો સિલસિલો યથાવત
ઉલ્લેખનીય છે કે, ભીલડી રેલવે બ્રિજ પર કામ હાલમાં ગોકળગતિએ ચાલતું હોવાથી ડાયવર્ઝન મુકવામાં આવેલું છે. જેને લઇને વારંવાર નાના-મોટા અકસ્માતો સર્જાઈ રહ્યા છે. ત્યારે રેલવે બ્રિજ પર તાત્કાલિક અસરથી કામગીરી પૂર્ણ કરવામાં આવે તેવી માગ ઉઠવા પામી છે.
ટ્રેલરની પાછળ ધડાકાભેર બીજા ટ્રેલરે ટક્કર મારી
તો બીજી તરફ ડીસા તાલુકાના ભીલડી ઈન્દીરાનગર ખેટવા બ્રિજ ઉપર હાલમાં સમારકામ ચાલી રહ્યું હોવાથી વાહનવ્યવહાર માટે ડાયવર્ઝન અપાયેલા રોડ ઉપર વહેલી સવારે એક ટ્રેલરની પાછળ ધડાકાભેર બીજા ટ્રેલરે ટક્કર મારી હતી. સર્જાયેલા અકસ્માતમાં એક વ્યકિતનું મોત થયું હતું. જ્યારે બીજાને ઈજાઓ થતાં સારવાર માટે ખસેડવામાં આવ્યો હતો.
છેલ્લા 8 દિવસમાં 3 અકસ્માત થયા
હાલમાં બ્રિજ પરની બીજી સાઈડના સ્લેબનું સમારકામ ચાલુ કરેલ હોવાથી ડીસાથી ભિલડી આવવાના રસ્તા પર ડાયવર્ઝન આપતા ફરીથી અકસ્માતની વણઝાર સર્જાઈ છે. છેલ્લા 8 દિવસમાં 3 અકસ્માત થયા હતા. જેમાં એક વ્યક્તિ એ જીવ ગુમાવ્યો હતો અને 3ને ગંભીર ઈજાઓ થઈ હતી. જેથી વાહલચાલકો દ્વારા સમારકામ જલદી પૂરું કરવામાં આવે તેવી માંગ ઊઠી હતી.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App
