મધ્યપ્રદેશના સાગરમાં ટ્રક અને બસ વચ્ચે સર્જાયો ખતરનાક અકસ્માત- ઘટના સ્થળે જ 3ના કમકમાટી ભર્યા મોત

Sagar Accident: મધ્યપ્રદેશના સાગર જિલ્લામાં ગુરુવારે એક દર્દનાક માર્ગ અકસ્માત થયો હતો. ખુરાઈ ખીમલાસા રોડ પર ટ્રકે બસને જોરદાર ટક્કર મારી હતી. આ અકસ્માતમાં 3 લોકોના મોત થયા છે. પેસેન્જર બસ ખુરઈથી ખીમલાસા જઈ રહી હતી.તેમજ અકસ્માતની આ ઘટના સમયે બસમાં 50 જેટલા મુસાફરો સવાર હતા. ટક્કર એટલી જોરદાર હતી કે બસનો કુરચો(Sagar Accident) વળી ગયો હતો. ત્યારે અકસ્માતમાં ઘાયલ લોકોને તાત્કાલિક ખુરાઈ સિવિલ હોસ્પિટલમાં લઈ જવામાં આવ્યા હતા.

3 લોકોનું ઘટનાસ્થળ પર કમકમાટીભર્યું મોત
એક દુ:ખદ માર્ગ અકસ્માતમાં બસ અને ટ્રક ચાલક સહિત એક મહિલા મુસાફરનું મોત થયું હોવાનું સામે આવ્યું છે, જ્યારે અનેક મુસાફરો ઘાયલ પણ થયા છે. ઘાયલોને સારવાર માટે ખુરાઈ સિવિલ હોસ્પિટલમાં દાખલ કરવામાં આવ્યા હતા.ત્યારે ઘટનાની માહિતી મળતા જ ખુરાઈ અને ખીમલાસા પોલીસની ટીમ ઘટના સ્થળે પહોંચી ગઈ હતી. ત્યારબાદ ઘાયલોને બસમાંથી બહાર કાઢવામાં આવ્યા હતા. આ ઘટના ખીમલાસા રોડ પર ધગરગાંવ પાસે બની હતી.જે અંગે પોલીસને જાણ થતા પોલીસ તથા એમ્બ્યુલન્સનો કાફલો ઘટનાસ્થળ પર દોડી આવ્યો હતો અને અકસ્માતની નોંધ લઇ આગળની તપાસ હાથ ધરી છે,તો બીજી તરફ મૃતકોના મૃતદેહને પીએમ અર્થે મોકલી આપ્યા હતા.

બસ અને ટ્રક વચ્ચે અથડામણ
સાગર જિલ્લાના ખુરાઈ ખીમલાસા રોડ પર આજે બસ અને ટ્રક વચ્ચેની અથડામણમાં ત્રણ લોકોના મોત થયા છે અને 35 મુસાફરો ઘાયલ થયા છે. ઘાયલોને સામુદાયિક આરોગ્ય કેન્દ્ર ખુરાઈમાં દાખલ કરવામાં આવ્યા હતા, જેમાંથી બે ગંભીર ઈજાગ્રસ્તોને જિલ્લા હોસ્પિટલ સાગરમાં રિફર કરવામાં આવ્યા છે.ત્યારે આ ઘટના અંગે મૃતકના પરિવારને જાણ થતા તેના પરિવારમાં શોકનો માહોલ છવાઈ ગયો છે.

તેમ અધિક પોલીસ અધિક્ષક ડો
એડિશનલ સુપરિન્ટેન્ડેન્ટ ઑફ પોલીસ ડૉ. સંજીવ કુમારે જણાવ્યું કે, સવારે ખીમલાસેથી સાગર થઈને ખુરઈ તરફ જઈ રહેલી પેસેન્જર બસ સાગર તરફથી આવી રહેલી ટ્રક સાથે અથડાઈ હતી. આ અકસ્માતમાં બસ અને ટ્રકના ડ્રાઈવર સહિત અન્ય એક મહિલાનું મોત થયું હતું. તે જ સમયે, બસમાં સવાર 35 ઘાયલ મુસાફરોમાંથી 31ને ખુરાઈ સામુદાયિક આરોગ્ય કેન્દ્રમાં દાખલ કરવામાં આવ્યા છે, જેમાંથી બે ગંભીર રીતે ઘાયલોને સાગર જિલ્લા હોસ્પિટલમાં રીફર કરવામાં આવ્યા છે.

• ગુગલ ન્યુઝમાં Trishul News Gujarati ની અપડેટ મેળવવા ક્લિક કરો:  Trishul News Gujarati 
• નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
• વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
• યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
• એન્ડ્રોઇડ એપ ડાઉનલોડ કરો: Trishul News Gujarati Android App  આઈફોન માટે એપ ડાઉનલોડ કરો: Trishul News Gujarati iPhone App