For the best experience, open
https://m.trishulnews.com
on your mobile browser.
Advertisement

માતા-પિતા માટે લાલબત્તી સમાન કિસ્સો: પાલનપુરમાં બંધ ગાડીએ 5 વર્ષના બાળકનો લીધો જીવ, જાણો સમગ્ર મામલો

12:08 PM Jun 01, 2024 IST | V D
માતા પિતા માટે લાલબત્તી સમાન કિસ્સો  પાલનપુરમાં બંધ ગાડીએ 5 વર્ષના બાળકનો લીધો જીવ  જાણો સમગ્ર મામલો

Palanpur News: ફરી એકવાર વાલીઓ માટે ચેતવતો કિસ્સો સામે આવ્યો છે. જેમાં પાલનપુરના(Palanpur News) ગણેશપુરામાં બુધવારની બપોરે પાંચ વર્ષનો બાળક રમતાં રમતાં અવાવરૂ પડેલ ગાડીમાં બેસી ગયો હતો.અને કાર લોક થઈ ગઈ હતી. બે કલાકથી વધુ સમય સુધી શ્વાસ રુંધાતા બાળક દરવાજો ખોલી શક્યો નહીં અને ગુંગળાઈને તરફડીયા મારતા મુત્યુ પામ્યો હતો. એકનો એક દીકરો મુત્યુ પામતા ગમગીની છવાઈ હતી.

Advertisement

પાંચ વર્ષના બાળકનું કારમાં ગૂંગળામણના કારણે મોત
બનાસકાંઠાના પાલનપુરમાં આવેલા ગણેશપુરામાં પાંચ વર્ષનું બાળક રમતા રમતા અજાણતાં ગાડીમાં બેસી ગયો હતો. અને કાર લોક થઈ ગઈ હતી. બે કલાકથી વધુ સમય સુધી શ્વાસ રૂંધાઈ જતાં બાળક દરવાજો ખોલી શક્યો નહતો.

Advertisement

પરિણામે ગૂંગળામણના કારણે એકના એક દીકરાનું મોત થતાં પરિવાર પર આભ તૂટી પડ્યું હતું.ગણેશપુરામાં ભાડાના મકાનમાં રહેતા અને મૂળ હડાદ પોશીનાના વતની મહિલા પતિ સાથેથી છૂટાછેડા લઈને પિતા સાથે રહેતા હતા. બુધવારની બપોરે તેમનો પાંચ વર્ષનો દીકરો નિક્ષિક બહાર રમતો હતો. ત્યારે દૂધ મંડળીની સામે બે વર્ષથી પડેલ ગાડીમાં જઈને બેસી ગયો હતો અને કાર લોક થઈ ગઈ હતી.

Advertisement

બાળક કારમાં બેઠો અને દરવાજો બંધ થઇ ગયો
બાળકની નજીકમાં શોધખોળ કરતા કોઈની નજર ગાડી પર જઈ પડી અને બધાએ ગાડીમાં જઈને જોયું તો બાળક અંદર પડ્યો હતો. બાદમાં બાળકને તાત્કાલિક પાલનપુર સિવિલ હોસ્પિટલ ખસેડવામાં આવ્યો હતો. જ્યાં ફરજ પરના ડોક્ટરે મૃત જાહેર કર્યો હતો. કારનાં માલિક સુરેશભાઈ પટેલને પૂછવામાં આવ્યું કે, “મારી કાર ઘરની બહાર છેલ્લા બે વર્ષથી બંધ છે. કારમાં બાળક કેવી રીતે બેસી ગયો અને લૉક થઈ ગયો તેની મને ખબર નથી.”

આ ઘટના પર નજર નાખીએ તો, દરેક માતાપિતાએ પોતાના બાળકનું ધ્યાન રાખવું જોઈએ.કારણકે આવી અનેક ઘટનાઓ ભૂતકાળમાં પ્રકાશમાં આવી ચુકી છે.બાળકોને કોઈ રમકડાં વડે પણ રમવા આપો છો તો ખાસ ધ્યાન રાખવું જરૂરી બને છે.

Advertisement

Tags :
Advertisement
Advertisement