For the best experience, open
https://m.trishulnews.com
on your mobile browser.
Advertisement

સુરતમાં માતેલા સાંઢની માફક આવેલાં બેફામ ડમ્પરે 3 લોકોને યમરાજ દેખાડ્યાં; જુઓ અકસ્માતનો LIVE વિડીયો

06:05 PM Jul 06, 2024 IST | V D
સુરતમાં માતેલા સાંઢની માફક આવેલાં બેફામ ડમ્પરે 3 લોકોને યમરાજ દેખાડ્યાં  જુઓ અકસ્માતનો live વિડીયો

Surat Accident News: સુરતના ડીંડોલી વિસ્તારમાં બેફામ ગતિએ આવતા ડમ્પર ચાલકે સ્ટેયરિંગ પરથી કાબૂ ગુમાવતા બાઈક પર જતા પિતા-પુત્ર તેમજ એક રાહદારીને અડફેટે લીધા હતા. અકસ્માતની(Surat Accident News) આ સમગ્ર ઘટના ત્યાં લાગેલા CCTV કેમેરામાં કેદ થઈ ગઈ હતી. અકસ્માતમાં સ્પષ્ટ ડમ્પર ચાલાકની બેદરકારી દેખાઈ રહી છે. અકસ્માતને પગલે પોલીસે ડમ્પર ચાલકની અટકાયત કરી કાયદેસરની કાર્યવાહી હાથ ધરી છે.

Advertisement

પિતા-પુત્ર ડમ્પર નીચે આવૈ જતા ગંભીર ઇજા
સુરતમાં ડમ્પરચાલકો બેફામ બન્યા છે. બેફામ દોડતાં ડમ્પરોએ અનેક જિંદગીઓનો ભોગ લીધો હોવા છતાં પણ આજ સુધી ડમ્પર દ્વારા થતાં અકસ્માતોના બનાવમાં ઘટાડો થયો નથી. ત્યારે સુરતના ડીંડોલીમાં ફરી એકવાર ડમ્પરના કારણે અકસ્માતની ઘટના બની છે.

Advertisement

જેમાં 35 વર્ષીય દિનેશભાઈ અને તેમનો નવ વર્ષીય પુત્ર કેતન ગાડી પર પસાર થઇ રહ્યા હતા.તે સમયે બેફામ આવતા ડમ્પરચાલકે આ બાઇકને અડફેટે લેતા પિતાપુત્ર બંને ડમ્પર નીચે આવી ગયા. જો કે રાહતની વાત તો એ છે કે આ ઘટનામાં પિતા પુત્રનો ચમત્કારિક બચાવ થયો છે. પરંતુ તેમને પગમાં અને શરીરના અન્ય ભાગમાં ગંભીર ઈજાઓ પહોંચી છે.આ સાથે અન્ય એક વ્યક્તિને પણ ઇજા પહોંચી હોવાનું સામે આવ્યું છે.

Advertisement

ઘટના સીસીટીવીમાં થઇ કેદ
આ ઘટનાના સીસીટીવી પણ સામે આવ્યા છે. જેમાં દેખાઈ રહ્યું છે કે માતેલા સાંઢની જેમ ડમ્પર ચાલક પસાર થૈ રહ્યો છે જેને બાઇકને અડફેટે લીધી હતી. જે બાદ જીબીના થાંભલા સાથે ડમ્પર અથડાયું હતું. જો કે આ ઘટનાના પગલે આસપાસથી લોકો દોડી આવ્યા હતા અને ઇજાગ્રસ્તોને તાત્કાલિક સારવાર અર્થે ખસેડ્યા હતા. તેમજ આ અંગે પોલીસને જાણ થતા પોલીસ ઘટનાસ્થળ પર પહોંચી ડમ્પરચાલકની અટકાયત કરી આ મામલે વધુ તપાસ હાથ ધરી છે.

Advertisement

ડમ્પરચાલક ડ્રાઇવરની અટકાયત કરી
મહત્વનું છે કે સુરત શહેરમાં ડમ્પર ચાલકો બેફામ બન્યા હોય તે પ્રકારે રોડ પર અવાર-નવાર અકસ્માત સર્જે છે. જેમાં અનેક વખત ગંભીર અકસ્માત પણ સર્જાઈ ચુક્યા છે. ડીંડોલીમાં સર્જાયેલા અકસ્માતને પગલે તાત્કાલિક જ પોલીસે તપાસ શરૂ કરી હતી અને ડમ્પરચાલક ડ્રાઇવરની અટકાયત કરી લીધી હતી.

Tags :
Advertisement
Advertisement